Religious Dresses and Symbols : are religions treated equally by the European Court of Human Rights?

Trúarleg tákn og klæði – kemur Mannréttindadómstóll Evrópu jafnt fram við trúarbrögð? Ritgerð þessi fjallar um trúfrelsi og réttinn til að iðka trúa. Nánar tiltekið leitast ritgerðin við að svara því hvort að Mannréttindadómstóll Evrópu komi jafnt fram við ólík trúarbrög. Í ritgerðinni er áhersla er lög á mál er varða trúarleg tákn og klæði og er samanburðurinn á milli íslam annarsvegar og kristini hins vegar. Í ritgerðinni var í fyrsta lagi farið í gegnum sögulega þróun mannréttindaverndar í heiminum með sérstaka áherslu á trúfrelsi og réttinn til að iðka trú. Í öðru lagi var inntak 9. gr. Mannréttindasáttmála Evrópu sem fjallar um réttinn til trúar-, hugsunar- og samviksufrelsis skilgreint og helstu dómaframkvæmd gerð skil. Í þriðja lagi var í ritgerðinni dómarannsókn þar sem borin var saman dómaframkvæmd í málum er varða íslamska höfuðklútinn annars vegar og kristinn kross hins vegar. Í fjórða og síðasta lagi var einnig gerð grein fyrir málum er varða trúartákn og Hæstiréttur Bandaríkjanna hefur tekið fyrir til samanburðar við framkvæmdina í Evrópu. Niðurstaða ritgerðarinnar varpar ljósi á mun í dómaframkvæmd er varðar íslam og íslamska höfuðklúttinn samanborið við kristni og krossinn. Kristni sem er hin hefðbundna trú meirihlutans í Evrópu nýtur töluvert sanngjarnari meðferðar í meðförum dómara Mannréttindadómstóls Evrópu, en íslam sem er trú minnihluta í Evrópu. Litið er á krossinn sem þátt í sameiginlegri sögu og hefð Evrópu og þess að hann geti verið tákn fjölbreytileika og veraldlegra gilda. Þá er krossinn ekki talin hafa trúboðunaráhrif. Hins vegar er litið á höfuðklútinn sem tákn róttækni sem sendi frá sér sterk trúboð. Þá er hann sagður fara gegn veraldlegum gildum og venjum Evrópu. Rökstuðningur Mannréttindadómstóls Evrópu fyrir þessum mismun í meðferð er afar takmarkaður og má því segja að Mannréttindadómstóll Evrópu hafi ekki komið jafnt fram við trúarbrögð í þeim málum sem voru skoðuð.

Author dc:creator

• Bjarki Þórsson 1991-

Contributors dc:contributor

• Háskólinn í Reykjavík

• Lögfræði
• Meistaraprófsritgerðir
• Trúfrelsi
• Mannréttindadómstóll Evrópu
• Dómar

Language dc:language.iso

en

Handle dc:identifier.uri

http://hdl.handle.net/1946/26644

OAI identifier oai:identifier

oai:skemman.is:1946/26644