Fasteignafélög á Íslandi og IAS-staðall 40: mat á fjárfestingareignum fasteignafélaga

Í þessu verkefni eru þrjú stærstu fasteignafélögin á Íslandi tekin fyrir og borið saman hvernig mat á fjárfestingareignum þeirra fer fram. Skoðaður verður alþjóðlegi reikningsskilastaðallinn IAS 40, skýrt verður lítillega frá honum og hann svo tengdur við aðferðir fasteignafélaganna. Tekin voru viðtöl við fjármálastjóra fasteignafélaganna þriggja og fengin svör við ýmsum spurningum. Leitast er við að svara því hvort einhver munur sé á því hvernig félögin meta fjárfestingareignir sínar. Niðurstaðan er sú að lítill sem enginn munur er á því hvernig fasteignafélög meta fjárfestingareignir sínar og notast þau við svipaðar forsendur og líkön við slíkt mat. Öll félögin meta þær á gangvirði og notast við CAPM- og WACC-líkön til þess að núvirða sjóðstreymi fjárfestingareignanna. Staðallinn hefur leiðbeinandi áhrif á félögin og er ákveðin forvörn þegar kemur að mati eignanna. Þar sem fjárfestingareignir félaganna eru langstærsti liðurinn í efnahagsreikningi þeirra þarf lesandi reikningsskilanna að geta reitt sig á það að matsaðferðir og allir útreikningar að baki þeim séu áreiðanlegir og réttir.

Author dc:creator

• Guðrún Steindórsdóttir 1992-

Contributors dc:contributor

• Háskólinn í Reykjavík

• Viðskiptafræði
• Fasteignir
• Reikningsskilastaðlar

Language dc:language.iso

is

Handle dc:identifier.uri

http://hdl.handle.net/1946/25401

OAI identifier oai:identifier

oai:skemman.is:1946/25401