Block chain tækni : útgáfa stafrænna gjaldmiðla, löggerninga og annarra réttinda á dreifðri og samnýttri færsluskrá

Í ritgerðinni Block chain tækni: Útgáfa stafrænna gjaldmiðla, löggerninga og annarra réttinda á dreifðri og samnýttri færsluskrá, er leitað svara við spurningum sem snúa að því hvert lagaumhverfið sé í tengslum við notkun bitcoin og block chain tækni í Evrópu og á Íslandi. Undirstöðuatriði er varða block chain tæknina eru skýrð. Þá er fjallað um frumkvæði stjórnvalda að því að skýra lagaumhverfið í Bandaríkjunum, Evrópu og Bretlandi. Tillögur að laga og reglusetningu í nokkrum fylkjum Bandaríkjanna eru skoðaðar, sem og tillögur Evrópsku bankaeftirlitsstofnunarinnar og Breska fjármálaráðuneytisins. Skoðað er hvernig stafrænir gjaldmiðlar eins og bitcoin falla að íslenskum lögum, varðandi kaup og sölu þeirra, notkun þeirra í viðskiptum, skattalega meðferð og álitaefni í tengslum við fjármagnshöftin. Þá er fjallað um hvernig fer með útgáfu ýmissa verðmæta á block chain tækni, og skoðað hvernig rafræn skilríki gætu nýst í því tilliti. Skoðuð eru áform aðila í Bandaríkjunum um að nýta block chain tækni til þess að gefa út hlutabréf í skráðum og óskráðum félögum. Að lokum eru gerðar tillögur að því hvernig skýra megi lagaumhverfið hér á landi. Helstu niðurstöður ritgerðarinnar eru þær að lagaumhverfið hvað stafræna gjaldmiðla og block chain tækni varðar, er mjög óskýrt og mikið ósamræmi ríkir m.a. meðal ríkja Evrópusambandsins. Umhverfið á Íslandi er mjög aðþrengt, sökum fjármagnshafta og líklegrar virðisaukaskattskyldu á viðskipti með bitcoin.

Author dc:creator

• Sævar Guðmundsson 1984-

Contributors dc:contributor

• Háskólinn í Reykjavík

• Lögfræði
• Gjaldmiðlar
• Rafræn útgáfa
• Meistaraprófsritgerðir

Language dc:language.iso

is

Handle dc:identifier.uri

http://hdl.handle.net/1946/22296

OAI identifier oai:identifier

oai:skemman.is:1946/22296