Þjónustugæði og starfsmannaþörf - Eldfjallamiðstöð á tímamótum

Í þessari skýrslu er fjallað um verknám höfundar sem lokaverkefni í námi við BA í stjórnun ferðaþjónustu og móttöku gesta við Háskólann á Hólum. Verknámið fór fram á Lava – eldfjalla- og jarðskjálftamiðstöðinni á Hvolsvelli í mars og apríl 2023. Áhersla verknámsins snéri aðallega að því að kynnast því hvaða þjónustuviðmið eru sett í gestamóttöku miðstöðvarinnar og hvernig má ná þeim markmiðum sem sett eru með tilliti til starfsmannafjölda sem þarf til að ná þeim þjónustuviðmiðum. Höfundur sinnti daglegri rekstrarstjórn fyrirtækisins á meðan á verknáminu stóð og fékk því tækifæri til að fylgjast náið með ásamt því að taka viðtal við framkvæmdastjóra fyrirtækisins. Á meðan á verknáminu stóð kom í ljós að áform eru hjá húseiganda um að bæta veitingastað og hóteli við reksturinn og reyndi höfundur að setja þau áform í samhengi við núverandi rekstur með það að markmiði að hægt yrði að ná fram sömu þjónustugæðum eða betri með tilkomu nýrra deilda. Ég tel að þetta lokaverkefni sé gagnlegt til að meta með hvaða hætti er hægt að samnýta gestamóttöku fyrir fjölbreyttan rekstur s.s. veitingadeildar, hótels og afþreyingar. Lykilorð: Þjónustugæði, þjónustuupplifun, ferðaþjónusta, þjónustustjórnun, þjónustuvæntingar

Author dc:creator

• Gunnar Aron Ólason 1975-

Contributors dc:contributor

• Háskólinn á Hólum

• Ferðamálafræði
• Ferðaþjónusta
• Gæðastjórnun
• Þjónusta við viðskiptavini
• Verknám
• Ferðamannastaðir

Language dc:language.iso

is

Handle dc:identifier.uri

http://hdl.handle.net/1946/44983

OAI identifier oai:identifier

oai:skemman.is:1946/44983