Sea lice infestation on wild salmonids in the southern part of the Icelandic Westfjords

Laxalús, Lepeophtheirus salmonis og grálús Caligus elongatus, eru náttúruleg sníkjudýr á laxfiskum í sjó. Lýsnar nærast á slímhúð, roði og blóði fiskanna og valda þannig streitu hjá þeim. Þær geta einar og sér valdið dauða fiska séu þær í miklum mæli en geta auk þess borið með sér aðra sýkla. Rannsóknir sýna að á svæðum þar sem eldi laxfiska í sjókvíum er stundað eru villtir laxfiskar meira smitaðir af sjávarlús, einna helst laxalús, heldur en svæðum án eldis. Eldi á laxi (Salmo salar) í sjó er nýleg atvinnugrein á Íslandi og því mikilvægt að afla þekkingar um sjávarlýs á villtum laxfiskum. Lúsasmit var kannað á villtum laxfiskum í Arnarfirði árið 2014 og í Tálknfirði og Patreksfirði árið 2015. Laxeldi var stundað í öllum fjörðum sunnanverðra Vestfjarða árið 2017. Í þessu verkefni var lúsasmit villtra laxfiska, sjóbirtings (Salmo trutta) og sjóbleikju (Salvelinus alpinus), kannað í öllum fjörðum sunnanverðra Vestfjarða frá júní til september 2017 og niðurstöður bornar saman við lúsatalningar í kvíum á svæðinu, sem og fyrri athuganir á villtum laxfiskum. Niðurstöður sýna aukið smit villtra laxfiska á svæðinu og gefa vísbendingu um neikvæð áhrif á þessa stofna. Einnig kom í ljós að lúsategundirnar tvær virðast smita eldislaxa og villta sjóbirtinga á ólíkan hátt.

Author dc:creator

• Eva Dögg Jóhannesdóttir 1982-

Contributors dc:contributor

• Háskólinn á Hólum

• Meistaraprófsritgerðir
• Fiskeldis- og fiskalíffræði
• Laxalús
• Sjókvíaeldi
• Sníklar
• Smitleiðir
• Lax
• Acuaculture and fish biology
• Sea lice

Language dc:language.iso

en

Handle dc:identifier.uri

http://hdl.handle.net/1946/33972

OAI identifier oai:identifier

oai:skemman.is:1946/33972