Að leiða með þjónandi hugarfari: Birtingarmynd þjónandi forystu í efstu deild karla í körfubolta á Íslandi

Þjónandi forysta hefur á undanförnum árum vakið aukna athygli innan íþróttafræðanna, þar sem hún er talin geta eflt samkennd, traust og ábyrgð meðal leikmanna. Þrátt fyrir fjölmargar erlendar rannsóknir á þjónandi forystu innan íþrótta hefur lítið verið fjallað um birtingarmynd hennar í íslensku samhengi. Markmið þessarar rannsóknar var að kanna hvernig þjónandi forysta birtist í starfi körfuboltaþjálfara í efstu deild karla á Íslandi og hvernig leikmenn skynja forystuhætti þeirra. Rannsóknin byggir á blandaðri rannsóknaraðferð þar sem eigindleg gögn voru fengin með viðtölum við þjálfara og meigindleg gögn með spurningakönnun meðal leikmanna. Eigindleg gögn voru greind með þemagreiningu og meigindleg gögn byggðust á sex víddum OLA líkansins, sem mælir lykilþætti þjónandi forystu. Niðurstöður rannsóknarinnar sýna að þjónandi forysta birtist skýrt í hegðun og nálgun þjálfara, einkum í víddum sem tengjast virðingu, samskiptum, stuðningi og umhyggju fyrir leikmönnum. Þjálfararnir lögðu áherslu á að byggja upp traust og skapa jákvæða liðsheild, en jafnframt að viðhalda aga og faglegu jafnvægi. Lægri einkunnir komu fram í víddum sem tengjast sameiginlegri forystu og þátttöku leikmanna í ákvarðanatöku. Rannsóknin varpar ljósi á mikilvægi þess að huga að þjónandi forystu sem hugarfari í íslensku íþróttaumhverfi og hvernig hún getur stuðlað að meiri vellíðan, hvatningu og árangri innan liða. Niðurstöðurnar gefa vísbendingar um að efling þjónandi forystu geti aukið gæði leiðtogastarfs í íþróttum og skapað menningu þar sem jafnvægi ríkir milli árangurs og mannlegra samskipta. Lykilorð: Þjónandi hugarfar, OLA líkanið, körfubolti, hugarfar leiðtoga, leikmenn, þjálfarar

Author dc:creator

• Erla Dögg Grétarsdóttir 1988-

Contributors dc:contributor

• Háskólinn á Bifröst

• Þjónandi forysta
• Körfubolti
• Íþróttaþjálfarar
• Körfuboltamenn

Language dc:language.iso

is

Handle dc:identifier.uri

https://hdl.handle.net/1946/52157

OAI identifier oai:identifier

oai:skemman.is:1946/52157