Eru réttindi opinberra starfsmanna tímaskekkja ?

Ritgerðin fjallar um réttindi opinbera starfsmanna á Íslandi. Markmið er að kanna hvort réttindi, svo sem áminningarskylda, uppsagnarvernd, veikindaréttur og stytting vinnuvikunnar, teljist tímaskekkja í ljósi krafna um skilvirkni og sveigjanleika í opinberri þjónustu. Með rannsókninni er jafnframt leitast við að greina hvernig þessi réttindi og ferlar hafa áhrif á rekstur, starfsanda og hæfni stjórnenda til að bregðast við í síbreytilegu starfsumhverfi. Ritgerðin byggir á blandaðri rannsóknaraðferð þar sem bæði eigindleg og megindleg gögn voru nýtt. Tekin voru hálfopin viðtöl við stjórnendur og fulltrúa stéttarfélaga sem hafa víðtæka reynslu af rekstri opinberra stofnana og niðurstöður þeirra bornar saman við svör úr spurningakönnun sem lögð var fyrir starfsmenn á íslenskum vinnumarkaði. Helstu niðurstöður benda til þess að réttindin séu áfram mikilvægur þáttur í velferðarkerfinu og stuðli að stöðugleika og starfsánægju. Á sama tíma geta flóknir ferlar svo sem áminningarskylda og uppsagnarvernd takmarkað sveigjanleika stjórnenda og haft áhrif á skilvirkni ákvarðanatöku. Rannsóknin varpar þannig ljósi á flókið jafnvægi milli verndar, ábyrgðar og skilvirkni í opinberri stjórnsýslu.

Author dc:creator

• Kolbrún Bjarnadóttir 1980-

Contributors dc:contributor

• Háskólinn á Bifröst

• Opinbert starfsfólk
• Réttindi
• Vinnuréttur

Language dc:language.iso

is

Handle dc:identifier.uri

https://hdl.handle.net/1946/52147

OAI identifier oai:identifier

oai:skemman.is:1946/52147