Starfsánægja og þjónandi forysta. Hverjir eru helstu áhrifaþættir starfsánægju starfsmanna hjá Elkem Ísland?

Þjónandi forysta hefur á undanförnum árum orðið sífellt meira áberandi í fræðum og stjórnun, þar sem áhersla er lögð á að setja þarfir starfsmanna í forgang og stuðla að jákvæðu vinnuumhverfi. Rannsóknir hafa sýnt að þjónandi forysta getur haft jákvæð áhrif á starfsánægju, skuldbindingu og árangur starfsmanna. Markmið þessarar rannsóknar er að greina helstu áhrifaþætti starfsánægju starfsmanna hjá Elkem Ísland, með hliðsjón af þjónandi forystu og OLA-líkaninu. Rannsóknin byggir á blandaðri aðferð. Megindleg gögn eru fengin úr starfsánægjukönnunum HR Monitor sem lagðar voru fyrir á árunum 2022-2024. Eigindleg gögn byggjast á hálfstöðluðu viðtali við mannauðsstjóra og þremur örviðtölum við starfsmenn úr ólíkum stafshópum. Þessi nálgun gerir kleift að greina bæði tölfræðileg mynstur og dýpri reynslu starfsmanna. Rannsóknarspurningin er: Hvaða þættir hafa áhrif á starfsánægju starfsmanna hjá Elkem Ísland? Undirspurningar snúa að almennri starfsánægju, mun á upplifun milli stjórnenda og almennra starfsmanna, tengslum við fræðilegar kenningar og hagnýtri nýtingu fyrir fyrirtækið. Rannsóknin á að leggja til nýja þekkingu um starfsánægju í krefjandi stóriðjuumhverfi og varpa ljósi á hvernig þjónandi forysta getur stutt við jákvæðan starfsanda. Niðurstöðurnar geta nýst Elkem Ísland við stefnumótun mannauðsmála og stuðlað að bættri líðan starfsmanna og auknu öryggi. Lykilorð: starfsánægja, þjónandi forysta, OLA líkanið, HR Monitor, Elkem Ísland

Author dc:creator

• Ásþór Sædal Birgisson 1975-

Contributors dc:contributor

• Háskólinn á Bifröst

• Starfsánægja
• Þjónandi forysta
• Elkem Ísland (fyrirtæki)

Language dc:language.iso

is

Handle dc:identifier.uri

https://hdl.handle.net/1946/52105

OAI identifier oai:identifier

oai:skemman.is:1946/52105