Ímynd lögreglunnar í krísu

Markmið þessara rannsóknar er að kanna hvernig íslensk lögregluembætti bregðast opinberlega við neikvæðri gagnrýni. Greining var gerð á fjórum þekktum málum hryðjuverkamálinu, njósna máli Lúðvíks, Handtöku blaðamanna og Sigríðar/Intra málinu og skoðað þróun orðræðunnar og svörun lögreglu. Höfundur ákvað að notast við eigindlega orðræðugreiningu sem greind var út frá krísustjórnunar kenningum almannatengsla. Greiningin beinir sjónum að því hvernig tungumál og orðræða móta merkingu í félagslegu samhengi. Leitast var eftir því hver neikvæða gagnrýnin var og hvernig lögregluembættin svöruðu, hvaða orð voru notuð og í hvaða samhengi. Niðurstöðurnar sýna að viðbrögð lögreglu eru oft varnartengd, þar sem lögformlegar réttlætingar eru settar í forgrunn. Reynt var að lágmarka ábyrgð stofnunarinnar í stað þess að sýna fram á opin og gagnsæ samskipti og jafnvel mannlega afstöðu. Þá beitir lögreglan oft orðræðu sem byggir á valdi og reglum án þess að sýna auðmýkt og ábyrgðartöku sem fræðin telja nauðsynlega í slíkum aðstæðum. Þá er mikilvægt fyrir opinbera stofnun með valdaheimild að hafa markvissa og almenna krísustjórnunaráætlun sem styður við lagalega varfærni með rannsóknarhagsmuni að leiðarljósi en hefur jafnframt mannlega nálgun.

Author dc:creator

• Sara Bergsdóttir 1991-

Contributors dc:contributor

• Háskólinn á Bifröst

• Lögreglan
• Ímynd
• Áfallastjórnun

Language dc:language.iso

is

Handle dc:identifier.uri

https://hdl.handle.net/1946/52102

OAI identifier oai:identifier

oai:skemman.is:1946/52102