Viðbrögð íslenskra fyrirtækja við gagnrýni á samfélagsmiðlum - Greining í samræmi við fræðileg viðmið um krísusamskipti

Markmið rannsóknarinnar var að kanna hvernig íslensk fyrirtæki bregðast við gagnrýni á samfélagsmiðlum og hvort viðbrögðin samræmdust fræðilegum viðmiðum um árangursrík krísusamskipti. Samfélagsmiðlar eru orðnir mikilvægur vettvangur þar sem neytendur tjá óánægju sína og kalla eftir svörum. Í litlu og tengdu samfélagi eins og því íslenska getur slíkt haft veruleg áhrif á orðspor fyrirtækja. Greind voru fimm tilvik frá árunum 2021-2025 þar sem fyrirtæki á Íslandi urðu fyrir gagnrýni á samfélagsmiðlum. Gögnin voru greind með innihaldsgreiningu og túlkuð með hliðsjón af kenningum úr krísusamskiptum: Social-Mediated Crisis Communication Model (SMCC), Situational Crisis Communication Theory (SCCT) og Image Repair Theory (IRT). Niðurstöðurnar sýndu að viðbrögðin voru oft ósamræmd og skorti ábyrgðartöku eða viðveru á þeim vettvangi sem gagnrýnin hófst á. Rannsóknin dregur fram bil á milli fræðilegra viðmiða og raunverulegra viðbragða í stafrænu umhverfi á Íslandi, þar sem skortur á ábyrgð, sýnileika og tengslum getur grafið undan trausti. Niðurstöðurnar undirstrika þörf á markvissari og mannlegri krísusamskiptum sem taka mið af væntingum hagsmunaaðila og aðstæðum í smærri samfélögum.

Author dc:creator

• Berglind Ýr Björgvinsdóttir 1999-

Contributors dc:contributor

• Háskólinn á Bifröst

Language dc:language.iso

is

Handle dc:identifier.uri

https://hdl.handle.net/1946/51654

OAI identifier oai:identifier

oai:skemman.is:1946/51654