Regluverk gervigreindar og bankastarfsemi

Í þessari rannsókn er leitast við að svara rannsóknarspurningunni: “Hvernig er Landsbankinn að nýta sér gervigreind og hversu vel uppfyllir bankinn kröfur sem regluverk gervigreindar kveður á um?” Gervigreind er ört vaxandi þáttur í starfsemi fjármálastofnana og hefur möguleika til að hafa víðtæk áhrif á þjónustu, ákvarðanatöku og innri ferla. Samhliða þessari þróun hefur Evrópusambandið sett fram nýjan lagaramma, AI Act, sem leggur áherslu á gagnsæi, öryggi, siðferði og ábyrgð í notkun gervigreindartækni. Rannsóknin byggir á eigindlegri nálgun með viðtölum við lykilstarfsmenn Landsbankans, sem hafa yfirsýn yfir innleiðingu, reglufylgni og þróun tæknilausna innan bankans. Markmiðið er að fá innsýn í hvernig bankinn nálgast notkun gervigreindar, hvaða tækni er nýtt og hvernig verklag og viðhorf starfsfólks endurspegla undirbúning fyrir væntanlegar lagakröfur. Helstu niðurstöður gefa til kynna að innleiðing gervigreindar í Landsbankanum sé á frumstigi og fari að mestu fram að frumkvæði starfsfólks fremur en eftir samræmdri stefnu. Áhersla er lögð á varfærni, öryggi og gagnavernd, og bankinn fylgist náið með þróun AI Act með það að markmiði að uppfylla væntanlegar kröfur þegar þær taka gildi. Rannsóknin varpar ljósi á stöðu Landsbankans gagnvart gervigreind og dregur fram tækifæri, áskoranir og nauðsyn frekari stefnumótunar. Þar sem efnið hefur hingað til lítið verið rannsakað á Íslandi, má líta á þessa rannsókn sem framlag til frekari umræðu og mögulegan grunn að samanburðarrannsóknum milli íslenskra fjármálastofnana í framtíðinni.

Author dc:creator

• Björgvin Hafþór Ríkharðsson 1993-

Contributors dc:contributor

• Háskólinn á Bifröst

• Gervigreind
• Bankar
• Reglur

Language dc:language.iso

is

Handle dc:identifier.uri

https://hdl.handle.net/1946/51006

OAI identifier oai:identifier

oai:skemman.is:1946/51006