Andleg líðan foreldra krabbameinssjúkra barna og vinnumarkaðurinn

Markmið þessarar rannsóknar var að kanna áhrif starfsumhverfis og stuðnings á líðan foreldra krabbameinssjúkra barna á Íslandi. Sérstaklega var litið til þess hvort sveigjanleiki í starfi væri mismunandi milli opinbera geirans og einkageirans, hvort kyn foreldra hefði áhrif á upplifun þeirra af sveigjanleika á vinnustað og hvort sálræn aðstoð hefði áhrif á andlega líðan foreldra. Rannsóknin byggði á megindlegri aðferðafræði og gögnum sem safnað var með rafrænni spurningakönnun meðal foreldra sem skráðir voru hjá Styrktarfélagi krabbameinssjúkra barna. Ekki var marktækur munur á því hvort að foreldrar sem störfuðu í opinbera geiranum upplifðu meiri stuðning og sveigjanleika í starfi en þeir sem störfuðu í einkageiranum, þó að fjarvinna væri algengari í einkageiranum. Konur voru líklegri en karlar til að taka að sér umönnunarhlutverk og greindu frekar frá kvíða tengdum heimilisábyrgð, á meðan karlar upplifðu meiri fjárhagslega streitu. Foreldrar sem nýttu sér sálræna aðstoð mátu almennt andlega líðan sína betri en þeir sem ekki gerðu það, þó tengslin væru ekki marktæk. Takmarkanir rannsóknarinnar, einkum lítið svarhlutfall, drógu úr alhæfingargildi niðurstaðna.Rannsóknin leggur áherslu á mikilvægi sveigjanleika á vinnustað, heildræns stuðnings og aðgengilegrar sálrænnar aðstoðar fyrir foreldra krabbameinssjúkra barna. Niðurstöðurnar eru gagnlegar fyrir vinnuveitendur, stjórnvöld og stuðningsaðila sem vilja bæta lífsgæði þessa hóps.

Author dc:creator

• Rúna Sævarsdóttir 1985-

Contributors dc:contributor

• Háskólinn á Bifröst

• Foreldrar
• Aðstandendur
• Börn
• Krabbamein
• Vinnumarkaður
• Líðan

Language dc:language.iso

is

Handle dc:identifier.uri

https://hdl.handle.net/1946/49217

OAI identifier oai:identifier

oai:skemman.is:1946/49217