Einkenni leiðtoga í fjölskyldureknum ferðaþjónustufyrirtækjum á Norðurlandi og áhrif þeirra á framlag

Ferðaþjónustan er hratt vaxandi atvinnugrein og henni fylgir mikið álag á fyrirtæki og starfsmenn þess. Ferðaþjónustufyrirtæki þurfa að reiða sig töluvert á starfsmenn sína til þess að halda flæði fyrirtækisins gangandi og þurfa leiðtogar því að meta og hlúa að þeim. Tilgangur rannsóknarinnar er að skoða hvort að fjölskyldurekin ferðaþjónustufyrirtæki á Norðurlandi einkennist af þjónandi forystu eða foreldraræði, skoða hver einkenni þjónandi forystu eru innan slíkra fyrirtækja og sjá áhrif stjórnunar á framlag starfsmanna. Þjónandi forysta er mikilvæg sýn á forystu sem segir að leiðtogi eigi fyrst og fremst að þjóna þeim sem fylgja honum. Í rannsókninni var stuðst við eigindlega viðtalsaðferð og tekin voru fimm viðtöl við starfsmenn sem allir störfuðu innan fjölskyldurekinna ferðaþjónustufyrirtækja. Helstu niðurstöður voru þær að þau einkenni þjónandi forystu sem voru sýnilegust voru virðing og traust við starfsfólk, gott fordæmi stjórnenda, góð sambönd og samskipti, samvinna og ábyrgð en einnig mátti sjá einkenni foreldraræðis í stjórnunarháttum fyrirtækjanna. Stjórnun hafði áhrif á suma þátttakendur rannsóknarinnar en ekki alla, og skipti þá mestu máli að það væri komið vel fram við þá.

Author dc:creator

• Margrét Árnadóttir 1999-

Contributors dc:contributor

• Háskólinn á Bifröst

• Viðskiptafræði
• Lokaritgerðir
• Ferðaþjónustufyrirtæki
• Þjónandi forysta
• Fjölskyldufyrirtæki

Language dc:language.iso

is

Handle dc:identifier.uri

http://hdl.handle.net/1946/48286

OAI identifier oai:identifier

oai:skemman.is:1946/48286