Eðli, tilgangur og ávinningur gagnasöfnunar

Söfnun gagna er orðinn afgerandi þáttur á hvaða markaði sem er í dag og fer ört vaxandi. Þróun tækni og vaxandi notkun stafrænna kerfa hefur gert það mögulegt að safna meiri upplýsingum en nokkru sinni fyrr. Sérstaklega hefur gagnasöfnun aukist verulega á dagvörumarkaði þar sem markaðsgreining og sérsniðnar markaðsaðferðir eru orðnar nauðsynlegar fyrir fyrirtæki. Að auki gegnir gagnasöfnun mikilvægu hlutverki við að skilja hegðun og þarfir neytenda, sem gerir það að mikilvægum hluta hvers konar viðskiptastefnu. Meginmarkmið þessa verkefnis var að finna ásættanlega tegund upplýsinga sem fyrirtæki á dagvörumarkaði geta safnað um viðskiptavini sína. Ennfremur miðaði rannsóknin að því að endurspegla skoðanir neytenda á þessum viðunandi upplýsingum. Til skoðunar voru því fyrirtæki sem starfa á dagvörumarkaðnum og sömuleiðis neytendur. Til að framkvæma þessa rannsókn var gagnaöflun tvíþætt. Í fyrsta lagi var gerð eigindleg rannsókn þar sem rætt var við fulltrúa frá markaðsdeildum þriggja dagvörumarkaðsfyrirtækja. Byggt á svörunum sem bárust var gerð megindleg rannsókn með spurningalista sem dreift var til neytenda á dagvörumarkaði. Upplýsingarnar sem safnað var í viðtölunum og spurningalistanum veittu dýrmæta innsýn í viðhorf neytenda til söfnunar persónuupplýsinga þeirra. Það er von höfundar að hægt sé að nýta niðurstöður rannsóknarinnar til frekari rannsókna og stuðla að áframhaldandi umræðu um persónuvernd gagna.

Author dc:creator

• Kristjana Dís Þorvaldsdóttir 1997-

Contributors dc:contributor

• Háskólinn á Bifröst

• Viðskiptafræði
• Lokaritgerðir
• Gagnasöfnun
• Markaðsfræði
• Neytendahegðun

Language dc:language.iso

is

Handle dc:identifier.uri

http://hdl.handle.net/1946/48280

OAI identifier oai:identifier

oai:skemman.is:1946/48280