Nýir sjóndeildarhringir og tækifæri : gervigreind og markaðssetning í íslensku viðskiptalífi

Þetta verkefni fjallar um samspil gervigreindar og markaðsstarfa. Rannsakað var hvert íslensk fyrirtæki væru komin markvisst í notkun gervigreindar í markaðsstarfi. Um er að ræða eigindlega rannsóknaraðferð þar sem tekin voru viðtöl við sérfræðinga á fræðasviðinu og starfandi markaðsstjóra íslenskra fyrirtækja. Rannsóknarspurningin sem leitast var við að svara og var þar af leiðandi til viðmiðunar við framkvæmd rannsóknarinnar var: „Hversu langt eru íslensk fyrirtæki komin í notkun gervigreindar markvisst í markaðsstarfi?“ Fræðilegur bakrunnur rannsóknarinnar tekur til annars vegar fræðagrunns markaðsfræðarinnar og hins vegar fræðagrunns gervigreindarinnar. Í fræðagrunni markaðsfræðinnar má finna umfjöllun um markaðsráðana, vörumerki, markaðsrannsóknir, miðaða markaðssetningu, neytendahegðun, stafræna markaðssetningu, samfélagsmiðla og Agile markaðssetningu. Í fræðagrunni gervigreindarinnar má meðal annars finna umfjöllun um vélnám, kosti og áskoranir gervigreindar í markaðslegum tilgangi og almennt um gervigreind út frá markaðslegu sjónarhorni. Fjallað er um fyrri rannsóknir á viðfangsefninu og niðurstöður þeirra notaðar sem leiðarljós við gerð spurningalista fyrir eigindlega rannsókn. Helstu niðurstöður eru þær að íslensk fyrirtæki eru á frumstigi við að innleiða gervigreind inn í markaðsstefnu sína. Þó það sé vitund og örlítil notkun gervigreindartóla, sérstaklega í markaðssetningu á netinu, er nýtingin ekki að fullu markviss eða stefnumótandi. Skilningur á gervigreind hjá fyrirtækjum er breytilegur og mörg eru ekki að nýta alla möguleika sem gervigreindartækni býður uppá, eins og skapandi gervigreind til textagerðar og hugmyndavinnu. Skilningur og þekking á gervigreind er enn á byrjunarstigi og þörf er á frekari fræðslu innan fyrirtækja til að vera samkeppnishæf í þessu breytilega landslagi.

Authors dc:creator

• Guðlaug Rún Sigurjónsdóttir 1997-
• Guðríður Sunna Erlingsdóttir 1985-

Contributors dc:contributor

• Háskólinn á Bifröst

• Viðskiptafræði
• Markaðsfræði
• Gervigreind
• Markaðssetning

Language dc:language.iso

is

Handle dc:identifier.uri

http://hdl.handle.net/1946/46322

OAI identifier oai:identifier

oai:skemman.is:1946/46322