Skattskyldur hagnaður fastrar starfsstöðvar

Í ritgerðinni er tekið fyrir að skoða hvaða reglur gilda á Íslandi um það sem varðar hvernig ákvarða skuli hagnað sem skuli úthluta til fastrar starfsstöðvar, sem starfrækt er hér á landi, af hálfu fyrirtækis sem er heimilisfast í öðru ríki innan OECD. Umfjöllun ritgerðarinnar fer yfir hvort tvísköttunarmódel OECD hafi verið innleitt hér sem skyldi, þ.e. hvort hin viðurkennda aðferð OECD (e. Authorized OECD approach) teljist gilda hérlendis, sem fjallar um hvernig ákvarða skuli hagnað fastrar starfsstöðvar. Færð eru rök fyrir því að framangreind aðferð AOA sé innleidd í íslensk lög. Felst það í því að föst starfsstöð telst skattalega sjálfstætt fyrirbæri, sbr. 4. tölul. 2. mgr. 3. gr. laga um tekjuskatt nr. 90/2003 (tsl.), en slíkt er forsenda fyrir beitingu á aðferð AOA, sem framkvæmd er í tveimur skrefum: Skref eitt felst í að framkvæma staðreynda- og virknigreiningu á hinu ímyndaða sjálfstæða fyrirtæki (föstu starfsstöðinni), en þar er borin kennsl á áhættu, eignum og innri viðskiptum milli hins ímyndaða sjálfstæða fyrirtækis (föstu starfssöðinnar) og erlenda fyrirtækisins sem í reynd starfrækir föstu starfsstöðina. Skref 2 felst síðan í því að verðmeta andlag þess sem greining í skrefi 1 leiddi fram. Var komist að þeirri niðurstöðu að skref 1 og 2 rúmast innan 57. gr. tsl., sbr. 3. gr. a tsl., en í ritgerðinni var talið að skref 1 mætti vera skýrara í íslenskum lögum, einkum til að samræma AOA reglur innan OECD.

Author dc:creator

• Bjarki Heiðar Hildarson 1983-

Contributors dc:contributor

• Háskólinn á Bifröst

• Meistaraprófsritgerðir
• Skattalög
• Tvísköttunarsamningar
• Fyrirtæki
• OECD ríki
• Lögfræði

Language dc:language.iso

is

Handle dc:identifier.uri

http://hdl.handle.net/1946/45158

OAI identifier oai:identifier

oai:skemman.is:1946/45158