„Þetta snýst allt um að útrýma sóun“: hvernig beitir viðskiptainnsýn og bestun hjá Isavia verkfærum straumlínustjórnunar við innleiðingu sjálfvirknivæðingar og eru tækifæri til umbóta?

Á undanförnum árum og áratugum hafa æ fleiri fyrirtæki beitt hugmyndafræði straumlínustjórnunar. Forsenda þess að innleiðing straumlínustjórnunar skili árangri er að allt þjónustu- eða framleiðsluferlið sé skoðað ítarlega og reynt að útrýma sóun alls staðar. Markmið rannsóknarinnar er að kanna þekkingu og beitingu starfsfólks Viðskiptainnsýnar og bestunar hjá Isavia á verkfærum straumlínustjórnunar út frá þremur stórum verkefnum sem fyrirtækið réðst í: Innleiðingu á sjálfvirkum landamærum, sjálfvirkri töskuafhendingu og svokölluðu Entry/Exit-kerfi. Leitað var svara við eftirfarandi rannsóknarspurningu: „Hvernig beitir Viðskiptainnsýn og bestun hjá Isavia verkfærum straumlínustjórnunar við innleiðingu sjálfvirknivæðingar og eru tækifæri til umbóta?“ Tekin voru viðtöl við alla starfandi starfsmenn deildarinnar og könnuð þekking þeirra á verkfærum straumlínustjórnunar, hvort og hvernig þeim væri beitt við þau verkefni sem hér eru til skoðunar. Ætlast er til að starfsfólk deildarinnar hafi heildaryfirsýn yfir alla þjónustu sem flugstöðin veitir og hvernig farþegar upplifa hana. Deildin starfar oft með öðrum deildum Isavia og hún kemur beint eða óbeint að allri umbótavinnu í flugstöðinni. Rannsóknin leiddi í ljós að við sjálfvirknivæðingu á Keflavíkurflugvelli hefur verkfærum straumlínustjórnunar verið beitt upp að vissu marki. Víða er þó pottur brotinn og sú deild Isavia sem sjónum hefur verið beint að við þessa rannsókn gæti beitt straumlínustjórnun með mun markvissari hætti en raunin hefur verið.

Author dc:creator

• Einar Gunnarsson 1986-

Contributors dc:contributor

• Háskólinn á Bifröst

• Viðskiptafræði
• Meistaraprófsritgerðir
• Straumlínustjórnun
• Breytingastjórnun

Language dc:language.iso

is

Handle dc:identifier.uri

http://hdl.handle.net/1946/39583

OAI identifier oai:identifier

oai:skemman.is:1946/39583