Draumastarfið : greining á starfsumhverfi leikara á Íslandi og viðhorfum leikara til starfshvata og starfsumhverfis síns.

Útdráttur Markmið þessarar rannsóknar er að kanna starfsumhverfi leikara á Íslandi og að kanna viðhorf þeirra til þess. Lögð áhersla á starfshvata leikara til vinnu sinnar, vægi launa annarsvegar og ástríðu og listræns metnaðar hinsvegar á starfshvata þeirra. Gerð er grein fyrir kjarabaráttu, launum og áhrifavöldum á starfsánægju ásamt álagsþáttum, svo sem starfsöryggi, vinnutíma, líkamlegu álagi og frægð. Huglægum hvötum leikara til vinnu sinnar eru að auki gerð skil. Rannsóknin byggist á spurningakönnun sem send var í nóvember 2014, á alla leikara sem voru félagsmenn í Félagi íslenskra leikara á þeim tíma og einnig voru tekin hálfopin viðtöl við fjóra leikara sem ná yfir breitt aldurbil, mismunandi starfsreynslu, menntun í faginu á Íslandi og erlendis og af báðum kynjum en þau viðtöl fóru fram í október 2014. Notast var við lýsandi tölfræði, fylgnimælingar og marktæknipróf við greiningu gagna og framsetningu þeirra. Að lokum er virðiskeðja menningarframleiðslu skýrð og sýnt fram á að starfshvatar leikara eru mikilvæg einkenni frumþáttar við greiningu framleiðslu á starfsvettvangi þeirra. Lykilorð: Leikarar, leiklist, menning, starfsumhverfi, starfshvatar, kjarabarátta, Félag íslenskra leikara, ástríða í starfi, starfsánægja, listrænn metnaður.

Author dc:creator

• Agnar Jón Egilsson 1973-

Contributors dc:contributor

• Háskólinn á Bifröst

• Leikarar
• Starfsumhverfi
• Starfsánægja
• Meistaraprófsritgerðir

Language dc:language.iso

is

Handle dc:identifier.uri

http://hdl.handle.net/1946/23773

OAI identifier oai:identifier

oai:skemman.is:1946/23773