Meira en þyngdartap: Áhrif efnaskiptaaðgerða á neysluhegðun og sálfélagslega líðan

Í þessari heimildaritgerð er gerð fræðileg samantekt á efnaskiptaaðgerðum og tengslum þeirra við breytingar á áfengis- og vímuefnaneyslu. Markmið ritgerðarinnar er að varpa ljósi á hvernig neyslumynstur getur þróast í kjölfar aðgerðar og hvaða þættir tengjast aukinni hættu á áfengis- og vímuefnaröskun hjá einstaklingum sem gangast undir slíkar aðgerðir. Einnig er fjallað um áhrif aðgerðanna á andlega líðan, líkamlega heilsu og félagslegar aðstæður. Greint er frá lífeðlisfræðilegum breytingum eftir efnaskiptaaðgerðir og hvernig þær hafa áhrif á frásog áfengis og upplifun einstaklinga af áfengis- og vímuefnaneyslu. Jafnframt er stuðst við fræðilegar kenningar sem varpa ljósi á samspil líffræðilegra, sálrænna og félagslegra þátta í mótun hegðunar og líðan eftir aðgerð. Niðurstöðurnar benda til þess að breytingar á neyslumynstri séu algengar eftir efnaskiptaaðgerðir. Áfengis- og vímuefnaneysla minnkar oft fyrst eftir aðgerð en getur aukist með tímanum. Einnig kemur fram að hluti einstaklinga greinist með áfengis- og vímuefnaröskun þrátt fyrir að hafa ekki haft fyrri sögu um slíkan vanda. Áhrif aðgerðanna á líkamlega heilsu, andlega líðan og félagslegar aðstæður eru breytilegar, þar sem sumir upplifa jákvæðar breytingar en aðrir aukna vanlíðan.

Author dc:creator

• Eva María Arnarsdóttir 1999-

Contributors dc:contributor

• Háskóli Íslands

• Félagsráðgjöf
• Efnaskipta- og innkirtlalækningar
• Áfengissýki
• Fíkniefnaneysla

Language dc:language.iso

is

Handle dc:identifier.uri

https://hdl.handle.net/1946/52205

OAI identifier oai:identifier

oai:skemman.is:1946/52205