Heilabilun: Hvernig hefur heilabilun áhrif á lífsgæði sjúklinga og aðstandenda þeirra

Viðfangsefni þessarar heimildaritgerðar er sjúkdómurinn heilabilun og hvernig hann hefur áhrif á lífsgæði sjúklinga og nánustu aðstandendur þeirra sem veikjast. Þegar einstaklingur greinist með heilabilun hefur það mikil áhrif á lífsgæði hans. Helstu einkenni sjúkdómsins eru skerðing á nærminni og fjarminni og ýmsar hamlanir fylgja, geta verið málstol, verkstol, skerðing á dómgreind, skert hreyfigeta og fleira. Smám saman minnkar vitræn geta og einstaklingurinn þarf mikla umönnun. Hann finnur minnkandi getu við daglegt líf sem leiðir til óöryggis og kvíða, þarf að fara að fá aðstoð og þar með verður sjálfstæði hans minna. Maki eða annar nákominn aðstandandi verður yfirleitt aðalumönnunaraðili einstaklingsins með heilabilun, það gerir hann útsettari fyrir andlegri og líkamlegri streitu sem getur haft áhrif á heilsu viðkomandi. Þess vegna er mikilvægt að auka önnur úrræði eins og stuðningshópa fyrir aðstandendur fólks með heilabilun og dagdvalir fyrir þann sem veikist það gerir aðstandendum kleift að fá tíma fyrir sig og vita af sínum nánasta í öruggum höndum á meðan. Stuðningur og samvinna aðstandenda og fagfólks er mjög mikilvægur til að nýta úrræðin sem reynast hverjum og einum best. Mikilvægt er að aðstandendur fái ráðgjöf og stuðning frá fagfólki sem þekkir sjúkdóminn. Félagsráðgjafar aðstoða við það og eru tengiliðir á milli einstaklingsins og fjölskyldu hans við fagfólk og stofnanir. Félagsráðgjafar vinna alltaf út frá heildarsýn í starfi og meta aðstæður skjólstæðings út frá umhverfi, fjölskyldu og samfélagi einstaklingsins með það að markmiði að finna einstaklingsmiðaðar lausnir. Með hækkandi aldri þjóðarinnar fjölgar þeim sem greinast með minnissjúkdóma og það þarf að bregðast við því. Mikilvægt er að vinna áfram að samþættingu félags-og heilbrigðistengdrar þjónustu á milli þjónustuaðila og vinna að fjölgun úrræða.

Author dc:creator

• Áslaug Eyrún Guðbjartsdóttir 1992-

Contributors dc:contributor

• Háskóli Íslands

• Félagsráðgjöf
• Heilabilun
• Aðstandendur
• Lífsgæði

Language dc:language.iso

is

Handle dc:identifier.uri

https://hdl.handle.net/1946/51841

OAI identifier oai:identifier

oai:skemman.is:1946/51841