„Það var verið að kenna okkur að vera góðar eiginkonur og húsmæður“: Upplifun kvenna á Kvennaskólanum á Blönduósi

Í þessari BA-ritgerð í þjóðfræði er fjallað um samfélagið sem myndaðist á Kvennaskólanum á Blönduósi á sjöunda áratug síðustu aldar. Rannsóknin byggir á eigindlegum, hálfopnum viðtölum við fjórar konur sem stunduðu nám við Kvennaskólann á árunum 1960-1965. Þar sem lítið er til af rituðum heimildum um skólann var lögð áhersla á frásagnir og minningar viðmælenda af upplifun þeirra af daglegu lífi á Kvennaskólanum. Gögnin voru greind út frá hugtökum eins og samfélög, hefðir og hópar. Litið er til þess að samfélag er skilgreint sem lifandi ferli sem mótast í gegnum sameiginlega reynslu og samskipti. Þá er sjónum beint að hópum og hefðum skólans. Jafnframt er fjallað um hvernig aðgreining birtist innan skólasamfélagsins, meðal annars með upplifun norðlenskra og sunnlenskra nemenda, sem má skilja í ljósi hugmynda um „okkur og hina“. Niðurstöður sýna að samfélag kvennanna á Kvennaskólanum var ekki aðeins bundið við skólann sjálfan sem formlega stofnun, heldur hélt það áfram eftir að skólagöngunni lauk. Í gegn um minningar og endurfundi fyrrum námsmeyja var samfélagið endurskapað og því viðhaldið.

Author dc:creator

• Hafrún Eva Kristjánsdóttir 1991-

Contributors dc:contributor

• Háskóli Íslands

• Þjóðfræði
• Húsmæðraskólar

Language dc:language.iso

is

Handle dc:identifier.uri

https://hdl.handle.net/1946/51825

OAI identifier oai:identifier

oai:skemman.is:1946/51825