Afneitunarstefna í opinberri umræðu um stríðsglæpi japanska hersins í seinni heimsstyrjöldinni

Í þessari ritgerð verður farið yfir opinbera umræðu um stríðsglæpi japanska hersins í seinni heimsstyrjöldinni og leitast við að sjá hvaða þátt þeir sem hallast undir söguskoðun afneitunarstefnunnar eða svokallaðir afneitunarsinnar hafa átt í umræðunni. Hugtakið afneitunarstefna (e. historical denialism) er hugtak úr smíði sagnfræðingsins Henry Rousso sem notaði það upphaflega yfir þá sem hafna því að helförin hafi átt sér stað. Hugtakið er notað hér til þess að greina á milli þeirra sem aðhyllast endurskoðunarstefnu í fræðilegum skilningi og þeirra sem leitast til þess að afneita þekktum staðreyndum í pólitískum eða hugmyndafræðilegum tilgangi. Í þessari ritgerð er hugtakið afneitunarsinnar notað yfir þá sem leitast til að afneita þekktum staðreyndum um japanska stríðglæpi. Ritgerðinni er skipt upp í fjóra kafla þar sem farið er yfir fjögur tiltekin málefni sem hafa verið áberandi í opinberri umræðu um stríðið og stríðsminningar. Tveir kaflanna víkja að viðbrögðum við atburðum sem áttu sér stað á meðan stríðinu stóð. Þeir atburðir eru fjöldamorðin í Nanjing og kynlífsánauðin á vegum japanska hersins. Viðfangsefni hinna kaflanna eru umdeildir atburðir sem voru viðbrögð við stríðinu eða tilraunir til þess að gera upp söguna.

Author dc:creator

• Þórey Einarsdóttir 2000-

Contributors dc:contributor

• Háskóli Íslands

• Japanskt mál og menning
• Stríðsglæpir
• Heimsstyrjöldin síðari

Language dc:language.iso

is

Handle dc:identifier.uri

https://hdl.handle.net/1946/51407

OAI identifier oai:identifier

oai:skemman.is:1946/51407