Auglýsingar og áhrifavaldar í tengslum við peningaspil: hver eru áhrifin og á hverja?

Þessi ritgerð fjallar um auglýsingar og áhrifavalda í tengslum við peningaspil og hvernig þær hafa áhrif á viðkvæma hópa; einkum börn, ungmenni og spilafíkla. Sjónum er beint að markaðsaðferðum peningaspila, bæði með hefðbundnum auglýsingum og áhrifavöldum á samfélagsmiðlum. Lögð er áhersla á duldar auglýsingar og sýnileika peningaspila á samfélagsmiðlum sem geta ýtt undir áhættuhegðun, breytt viðhorfum og aukið þátttöku í peningaspilum. Börn og ungmenni eru útsett fyrir miklu magni af auglýsingum á samfélagsmiðlum og sýna rannsóknir fram á að þessi markaðssetning auki líkur á þátttöku í peningaspilum og styrkir jákvæð viðhorf til þeirra. Slíkar auglýsingar hafa einnig áhrif á spilafíkla, þar sem þær geta virkað sem kveikjur fyrir þátttöku og aukið líkurnar á bakslagi á spilavanda. Notkun áhrifavalda í markaðssetningu peningaspila eykur trúverðugleika vörumerkja og ýtir undir félagslegt samþykki, sérstaklega meðal yngri kynslóða. Margir áhrifavaldar nota dulda markaðssetningu sem er siðferðislega vafasamt og með öllu ólöglegt. Til að draga úr skaðlegum áhrifum auglýsinga á peningaspilum eru lagðar fram tillögur um herðingu reglna og laga um slíka markaðssetningu, aukna fræðslu til barna og ungmenna um áhrif auglýsinga og aukið eftirlit með samfélagsmiðlum og áhrifavöldum. Aðgerðir af þessu tagi gætu hjálpað til við að vernda viðkvæma hópa og draga úr áhættuhegðun tengda peningaspilum.

Author dc:creator

• Viktoría Giorgia Cottino 2000-

Contributors dc:contributor

• Háskóli Íslands

• Sálfræði

Language dc:language.iso

is

Handle dc:identifier.uri

https://hdl.handle.net/1946/49143

OAI identifier oai:identifier

oai:skemman.is:1946/49143