„Ég er innflytjandi þegar við töpum og ég er Þjóðverji þegar við sigrum“ Stuðlar fótbolti að neikvæðri eða jákvæðri þjóðernishyggju?

Íþróttalandslið eru tákn þjóðarinnar á fótboltavellinum, þau eiga að gera okkur stolt og sigra titla. Landsliðum gengur þó ekki alltaf vel og getur það vakið hörð viðbrögð bæði stuðningsmanna og fjölmiðla. Þá fylgja þeim stundum ásakanir um kynþáttafordóma og vanvirðingu gegn þjóðerni leikmanna sem getur ýtt undir sundrung milli hópa innan samfélagsins. Í þessari ritgerð verður reynt að svara því með hvaða hætti landslið í fótbolta hafa dregið fram neikvæðar eða jákvæðar hliðar þjóðernishyggju á 21. öldinni. Spurningunni verður svarað með því að taka fyrir tvö tilvik sem sett verða í fræðilegt samhengi. Í fræðikafla er fjallað um þjóðernishyggju og birtingarmynd hennar, jákvæðar og neikvæðar. Fyrra tilvikið er karlalandslið Þýskalands á árunum 2014-2018 og hið síðara er karlalandslið Frakklands á árunum 1998, 2010 og 2018. Í báðum löndum gengu þjóðin og landsliðin í gegnum tíma bæði sundrungar og sameiningar, fjaðrafoks og fagnaðarláta vegna frammistöðu liðanna eða vegna hegðunar leikmanna. Ritgerðin er hefðbundin heimildaritgerð sem notar fræðigreinar og fréttagreinar. Sýnt hefur að neikvæð áhrif í fótbolta er meira áberandi en jákvæð, neikvæð áhrif einkennast af þjóðernishyggju þar sem minnihlutahópar eiga undir högg að sækjast.

Author dc:creator

• Arngrímur Alex Ísberg Birgisson 2002-

Contributors dc:contributor

• Háskóli Íslands

• Stjórnmálafræði

Language dc:language.iso

is

Handle dc:identifier.uri

https://hdl.handle.net/1946/48978

OAI identifier oai:identifier

oai:skemman.is:1946/48978