Textílspilið : spil sem eflir sértækan orðaforða í textíl

Hugmyndin að námspilinu kviknaði á 2. ári í kennaranáminu þegar höfundur var í æfingakennslu og varð vör við að nemendur í textíl höfðu nánast engan hugtakaskilning. Eitt af hæfniviðmiðum fyrir textílmennt í Aðalnámskrá grunnskóla (2013) er einmitt að nemendur geti notað hugtök sem tengjast greininni. Orð og hugtök sem tengjast textílgreininni eru mörg hver flókin og þarfnast þess vegna ætíð útskýringa þar sem þau eru ekki hluti af hinu daglega umhverfi barna. Höfundur vildi leggja áherslu á finna leið til að bæta úr þessu, leið sem hentar börnum, en spil og leikir eru eitthvað sem höfðar til allra barna sem og fullorðinna. Markmiðið var að búa til spil, bæði í formi ljósmynda og skýringartexta, sem myndi vera fræðandi og skemmtilegt á sama tíma. Markmiðið var einnig að hægt væri að spila það á að minnsta kosti 3-4 ólíka vegu þannig að það myndi ná til stærri hóps. Niðurstaðan er námsspil undir heitinu Textílspilið. Námsspil sem eflir og eykur orðaforða og hugtakaskilning nemenda í textíl. Spilið samanstendur af 64 spjöldum, 32 myndaspjöld og 32 textaspjöld. Bakhlið spjaldanna er svo skreytt öllum þeim orðunum sem útskýrð eru í spilinu. Spjöldin eru í sömu stærð og hefðbundinn spilastokkur. Hugmyndir að útfærslum eru sambærilegar spilum á borð við Bingó, Samstæðuspil, Veiðimann og Alias. Höfundur prófaði spilin ásamt starfandi textílkennurum í tveimur skólum með mismunandi nemendahópum og vakti það mikla lukku meðal nemenda. Spilaaðferðirnar voru prófaðar með ólíkum aldurshópum og kom þar vel í ljós að forkunnátta í textíl var nemendum til gagns. Með námsspilinu, þar sem annars vegar eru ljósmyndir af textíláhöldum og hins vegar útskýringatexti með heiti hlutarins, eru nemendur hvattir til að skoða myndir, lesa texta og para saman það sem við á. Spilið virkar sem kennsluefni við kennslu nýrra hugtaka og til að auka skilning á virkni áhalda. Auk þess nýtist það nemendum sem „afþreying“ í kennslustundum, jafnvel án afskipta kennarans og því væri um eins konar sjálfsnám að ræða. Á þann hátt er Textílspilið einnig nýmæli í textílkennslu.

Author dc:creator

• Kristbjörg Sunna Hafberg 1983-

Contributors dc:contributor

• Háskóli Íslands

• BEd ritgerðir
• Grunnskólakennsla með áherslu á list- og verkgreinar
• Textílmennt
• Hugtakaskilningur

Language dc:language.iso

is

Handle dc:identifier.uri

https://hdl.handle.net/1946/48389

OAI identifier oai:identifier

oai:skemman.is:1946/48389