„Eftir þetta finnst mér ég bara geta allt“ : upplifun þriggja ungra kvenna á styttingu námstíma til stúdentsprófs

Tæp átta ár eru liðin frá því að öllum framhaldsskólum landsins var gert að stytta almennan námstíma til stúdentsprófs úr fjórum árum í þrjú ár. Nýleg gögn Hagstofu Íslands sýna meðal annars að nemendur háskóla á fyrsta ári ljúka færri einingum en fyrir styttingu. Þá er þeim einnig hættara við brottfalli úr háskóla auk þess sem meðaleinkunn er alla jafna lægri en áður. Einnig má heyra á röddum íslenskra ungmenna úti í samfélaginu að fleiri séu ósáttir en sáttir við styttingu framhaldsskólanna og mörg segja framhaldsskólanema vera undir meira álagi en eðlilegt teljist. Tilgangur rannsóknarinnar er því að fá að heyra þrjár ungar konur segja frá sinni reynslu af styttingunni en þær innrituðust í framhaldsskóla á þeim tíma sem styttingin var nýlega orðin að veruleika. Þar að auki var leitast eftir því að kryfja nánar hvaða gildi stuðningur kennara hafði fyrir þær í ljósi þess að álag var mikið. Allir þriggja viðmælenda sögðu langvarandi álag hafa haft neikvæð áhrif á sig, þó á mismunandi hátt, sem farið verður yfir í niðurstöðum. Þá kom einnig fram að stuðningur einstaka kennara hafi gefið þeim byr í seglin og veitt þeim hvatningu í námi þegar þess þurfti. Ef gerðar verða umbætur á kerfi íslenskra framhaldsskóla geta rannsóknir eins og þessi nýst til þess að þær verði gerðar á lýðræðislegum forsendum. Það er, að dýrmætar raddir ungmenna landsins fái að heyrast og nýtist til umbóta. Verkefnið er eigindleg rannsókn sem gildir til B.A. prófs í uppeldis- og menntunarfræðum við Háskóla Íslands.

Author dc:creator

• Gígja Kjartansdóttir 2000-

Contributors dc:contributor

• Háskóli Íslands

Language dc:language.iso

is

Handle dc:identifier.uri

http://hdl.handle.net/1946/47321

OAI identifier oai:identifier

oai:skemman.is:1946/47321