Birtingarmyndir kynjaðra viðmiða og kynlífshegðunar í framhaldsskólablöðum

Þessi rannsóknarskýrsla er lokaverkefni til BA-prófs í uppeldis- og menntunarfræði við Menntavísindasvið Háskóla Íslands. Bakgrunnur verkefnisins sem stuðst er við felst í kenningum um kynjakerfið, kvenleika, karlmennsku og kynlífshandritið. Kynlífshandrit vísar til þess að væntingar í kynferðislegum athöfnum séu háðar ríkjandi orðræðu í samfélaginu um æskilega og óæskilega kynlífshegðun. Mikilvægt er þó að hafa í huga að þetta geti reynst meðvitað og ómeðvitað. Þessi skýrsla er eigindleg rannsókn þar sem rýnt er í skólamenningu framhaldsskólanema og er það gert með því að krítíst orðræðugreina skólablöð frá einum framhaldsskóla á árunum 2011 til 2022. Í því ljósi er tilgangur verkefnisins að fá innsýn í þá umræðu sem birtist í skólablöðunum sem beinist að kynlífshegðun og kynjuðum viðmiðum. Niðurstaðan leiddi í ljós að í skólablöðunum ríkja kynjaðar staðalmyndir og á það einnig við í kynlífshegðun þar sem þau eru undir áhrifum frá hinu gagnkynhneigða kynlífshandriti. Má sjá það birtast í því að kynjaðar staðalmyndir ríkja þar sem annars vegar stelpur og hins vegar strákar hafa gjarnan gagnstætt hlutverk. Sú þróun sem hefur átt sér stað í skólablöðunum undanfarin ár er að beinast í rétta átt en það er rými til bætingar þar sem skortur er á fjölbreytileika en það á meðal annars við um sýnileika hinsegin fólks.

Author dc:creator

• Nanna Lísa Schweitz 2000-

Contributors dc:contributor

• Háskóli Íslands

• BA ritgerðir
• Uppeldis- og menntunarfræði
• Framhaldsskólanemar
• Kynhegðun
• Kynjafræði
• Eigindlegar rannsóknir
• Orðræðugreining
• Skólablöð

Language dc:language.iso

is

Handle dc:identifier.uri

http://hdl.handle.net/1946/45468

OAI identifier oai:identifier

oai:skemman.is:1946/45468