Markaðsáætlun fyrir nýja dýralæknastofu: Dýralæknaþjónusta Kópavogs ehf.

Markmiðið með þessari ritgerð var að búa til markaðsáætlun fyrir Dýralæknaþjónustu Kópavogs, sem er nýopnuð dýralæknastofa, til að hjálpa henni að fóta sig á markaðnum. Markaðsáætlunin er byggð á megindlegri rannsókn á neytendahegðun á dýralæknastofu markaðnum. Ritgerðinni er skipt upp í þrjú skref: greining, strategía og taktík. Í greiningunni er fyrst farið yfir niðurstöður úr megindlegu rannsókninni. Rannsóknin er byggð á frumgögnum sem aflað var til að komast m.a. að því hvaða það er sem gæludýraeigendum þykir mikilvægast þegar þeir velja dýralæknastofu sem þeir vilja eiga í viðskiptum við. Niðurstöður sýndu að þeir þættir sem þátttakendum þóttu mikilvægastir voru færni og viðmót dýralæknisins og góð og persónuleg þjónusta. Einnig kom í ljós að þátttakendur voru óánægðastir með verðið og opnunartímann á þeirri dýralæknastofu sem þeir fara oftast á. Eftir að megindlegu rannsókninni var lokið voru bæði innri og ytri þættir Dýralæknaþjónustu Kópavogs greindir. Síðan var gerð SVÓT greining á innri og ytri þáttunum, þ.e. styrkleikum, veikleikum, ógnum og tækifærum Dýralæknaþjónustu Kópavogs. Í strategíunni var fyrst ákveðinn markhópur út frá greiningunni. Eftir það var sett fram staðfærsla. Að lokum var ákveðin stefna og markmið fyrir Dýralæknaþjónustu Kópavogs. Fyrir stefnuna var notast við vaxtalíkan Ansoffs þar sem farið er yfir fjórar mismunandi leiðir fyrir fyrirtæki til að vaxa. Síðast var svo taktíkin þar sem farið var yfir verðstefnu, vettvanginn, leiðir og miðla sem Dýralæknaþjónusta Kópavogs getur notað til að ná fram markmiðum sínum. Allir þættir í taktíkinni þurfa að vera í samræmi við stefnuna sem var sett fram í strategíunni.

Author dc:creator

• Egill Sigurðsson 2001-

Contributors dc:contributor

• Háskóli Íslands

• Viðskiptafræði

Language dc:language.iso

is

Handle dc:identifier.uri

http://hdl.handle.net/1946/44171

OAI identifier oai:identifier

oai:skemman.is:1946/44171