Hefur trúverðugleiki peningastefnunnar aukist?

Í þessari ritgerð verður kannað hvort verðbólguvæntingar heimila, fyrirtækja og skuldabréfamarkaðar séu að verða fastari fyrir við verðbólgumarkmið og byggist þar af leiðandi í minna mæli á fyrri verðbólgu. Aukin festa verðbólguvæntinga má túlka sem aukin trúverðugleika á peningastefnu Seðlabankans og þar með bankanum sjálfum. Rannsóknarspurning þessa verks er Hefur trúverðugleiki Seðlabankans aukist? Við rannsóknina verður notast við fjölbreyttar aðferðir, tímabil borin saman sem og þróun yfir tíma skoðuð. Peningastefnur hérlendis skoðaðar og árangur þeirra settur í samhengi við söguna. Miðlun peningastefnunar könnuð og sýnt fram á mikilvægi fastra verðbólguvæntinga við framfylgd verðbólgumarkmið og þar með verðstöðugleika. Samskonar rannsóknir hafa verið framkvæmdar erlendis og benda niðurstöður til meiri festu í verðbólguvæntingum en lítið hefur verið rannsakað þessi málefni á Íslandi. Ritgerð þessi er því tilraun til að bæta úr því. Niðurstöður þessa verks benda til að verðbólguvæntingar séu orðnar fastari fyrir hjá öllum þeim hópum sem rannsóknin nær til. Minnst er breyting á festu verðbólguvæntinga heimila en mest er hún á skuldabréfarmarkaði. Seðlabanka Íslands ber að tryggja verðstöðugleika með peningastefnu sinni og byggir sú stefna á verðbólgumarkmiði. Mikilvæg forsenda í framfylgd peningastefnu með verðbólgumarkmiði er trúverðugleiki að bankinn muni gera allt til að tryggja verðbólgu í markmið. Benda niðurstöður þessara rannsóknar til að sá trúverðugleiki hafi aukist.

Author dc:creator

• Ragnar Magnús Þorsteinsson 1996-

Contributors dc:contributor

• Háskóli Íslands

• Hagfræði

Language dc:language.iso

is

Handle dc:identifier.uri

http://hdl.handle.net/1946/38093

OAI identifier oai:identifier

oai:skemman.is:1946/38093