Sjálfsmynd og mikilvægi tungumáls barna af erlendum uppruna

Ritgerðin er lokaverkefni til BA-prófs í uppeldis- og menntunarfræði. Efnistök ritgerðarinnar ákvörðuðust af áhuga höfundar á þáttum sem hafa áhrif á mótun sjálfsmyndar barna og annars sem snýr að velferð og velgengni þeirra í fjölmenningarlegu samfélagi. Stuðst er við fræðilegar heimildir og kenningar sem fjalla um sjálfsmynd, þroska barna og fjölmenningu. Markmið ritgerðarinnar er að draga saman þá þætti sem hafa áhrif á velferð barnsins út frá nánasta umhverfi þess eða skóla, fjölskyldu og félagslegum tengslum, hvernig þeir hafa svo áhrif á þróun sjálfsmyndar barna af erlendum uppruna. Leitast var eftir því að svara eftirfarandi rannsóknarspurningu: Hvaða áhrif hefur viðhald heimatungumálsins fyrir sjálfsmynd barna af erlendum uppruna varðandi fjölskyldu, félagsleg tengsl og námsárangur? Niðurstaða höfundar er sú að nánasta umhverfi barnsins þurfi að halda vel utan um og styðja við barnið bæði náms- og félagslega. Heimtungumálið er grunnur að persónulegum samskiptum og tengslum barnanna við fjölskyldu og vini. Ef fjölskyldu- og félagsleg tengsl eru sterk þá eru meiri líkur á að barnið hafi sterka sjálfsmynd. Þau börn sem alast upp með sterka sjálfsmynd eru líkleg til að njóta velferðar og velgengni í námi og starfi, ásamt því að vera vel undirbúin fyrir það mótlæti sem að lífið býður af og til upp á.

Author dc:creator

• Svanhvít Erla Gunnarsdóttir 1984-

Contributors dc:contributor

• Háskóli Íslands

• BA ritgerðir
• Uppeldis- og menntunarfræði
• Tvítyngi
• Móðurmál
• Sjálfsmynd (sálfræði)
• Börn

Language dc:language.iso

is

Handle dc:identifier.uri

http://hdl.handle.net/1946/36844

OAI identifier oai:identifier

oai:skemman.is:1946/36844