"Þau fá allt í einu vængi og geta flogið" : náms- og starfsáðgjöf í raunfærnimati

Þessi ritgerð er lokaverkefni til B.A. prófs í Uppeldis- og menntunarfræði við Háskóla Íslands. Meginmarkmið hennar er að kanna hvert hlutverk náms- og starfsráðgjafar í raunfærnimati er. Rannsakað verður bæði formlegt hlutverk þeirra sem og persónuleg upplifun þeirra á hlutverki sínu í starfi. Raunfærnimat byggir á þeirri hugmyndafræði að allur lærdómur sé verðmætur og því eðlilegt að hann sé skjalfestur óháð því hvaðan og hvernig hans hefur verið aflað. Raunfærnimat er ákveðin hvatning fyrir einstaklinga sem ekki hafa lokið framhaldsskólaprófi til að mæta aftur í nám þar sem það styttir námið sem þeir eiga eftir og sér til þess að einstaklingar þurfi ekki að sitja áfanga sem þeir nú þegar hafa öðlast þekkingu á. Raunfærnimat er ein leið stjórnvalda til að hækka menntunarstig landsins en raunin er sú að menntunarstig Íslands er lægra heldur en æskilegt þykir meðal OECD landa. Ritgerðin byggir á fræðilegu efni og eigindlegri rannsókn höfundar við starfandi náms- og starfsráðgjafa á sviðinu. Helstu niðurstöður leiddu í ljós að hlutverk náms- og starfsráðgjafa í ferlinu er afar fjölþætt og mikilvægt. Viðmælendur rannsóknarinnar lýstu yfir jákvæðri upplifun af hlutverki sínu og sögðu starf sitt gefandi og skemmtilegt. Einnig reyndist eftirfylgni með þeim sem lokið hafa raunfærnimati einstaklega mikilvæg en náms- og starfsráðgjafar spila lykilhlutverk í því að aðstoða einstaklinga við að nýta sér matið og feta næstu skref að mati loknu. Það er ekki nóg að raunfærnimeta einstaklinga og sleppa síðan alveg takinu á þeim þar sem hindranirnar sem standa í vegi fyrir þeim við að setjast aftur á skólabekk hverfa ekki þó að matinu sé lokið. Náms- og starfsráðgjafar þurfa því að aðstoða ráðþega sína við að ná fótfestu áður en þeir draga sig til baka.

Author dc:creator

• Rakel Birna Björnsdóttir 1997-

Contributors dc:contributor

• Háskóli Íslands

• BA ritgerðir
• Uppeldis- og menntunarfræði
• Námsráðgjöf
• Starfsráðgjöf
• Raunfærnimat

Language dc:language.iso

is

Handle dc:identifier.uri

http://hdl.handle.net/1946/36809

OAI identifier oai:identifier

oai:skemman.is:1946/36809