Heimsmarkmiðin sem undirstaða kennsluefnis í myndmennt : greinargerð og verkefnasafn

Verkefni þetta er hluti af 10 ECTS lokaverkefni til B.Ed.-prófs með áherslu á list- og verkgreinar við Deild faggreinakennslu, Menntavísindasviði Háskóla Íslands. Verkefnið er tvískipt og samanstendur af greinargerð og vefsíðu sem ætlað er að styðja við kennslu í myndmennt. Verkefnið er unnið út frá Heimsmarkmiðum Sameinuðu þjóðanna og stuðst er við grunnþætti menntunar og hæfniviðmið aðalnámskrá grunnskóla. Vefsíðan er miðuð að myndmenntakennslu í grunnskólum og inniheldur fjölbreytt verkefni. Verkefnin tengjast fjórum af sautján heimsmarkmiðum. Vefsíðan og verkefnin eru hönnuð með miðstig grunnskóla í huga og miðuð að markmiðum og hæfniviðmiðum aðalnámskrár við lok 7.bekkjar. Vefsíða og verkefnasafn eru ætluð myndmenntakennurum í grunnskólum sem vilja vinna með Heimsmarkmið Sameinuðu þjóðanna hvort sem er í þemavinnu eða sem stök verkefni í kennslustund myndmenntar. Í fræðilegum hluta greinargerðarinnar er fjallað um sköpun og möguleikahugsun byggða á hugmyndum kennslufræðingsins Önnu Craft en einnig verður stuðst við fræðimennina Gardner, Freud, Winnicott og Guilford. Fjölgreindarkenning Gardners er skoðuð og þá sérstaklega út frá myndmennt. Komið er inn á grunnþætti menntunar samkvæmt aðalnámskrá grunnskóla og rýnt í hvernig þeir tengjast myndmennt og Heimsmarkmiðunum. Vonast höfundur þessa verkefnis til þess að myndmenntakennarar nýti sér vefsíðuna og verkefnin með grunnþætti menntunar, aðalnámskrá grunnskóla og Heimsmarkmiðin að leiðarljósi.

Author dc:creator

• Jóna Þorgerður Andrésdóttir 1980-

Contributors dc:contributor

• Háskóli Íslands

• BEd ritgerðir
• Grunnskólakennsla með áherslu á list- og verkgreinar
• Myndlistarkennsla
• Kennslugögn
• Vefsíður
• Miðstig grunnskóla

Language dc:language.iso

is

Handle dc:identifier.uri

http://hdl.handle.net/1946/36774

OAI identifier oai:identifier

oai:skemman.is:1946/36774