Ríkt stærðfræðinám fyrir alla : verðug stærðfræðiverkefni og hlutverk kennarans

Ritgerð þessari er ætlað að svara spurningunni: Hvað einkennir rík stærðfræðiverkefni og hvaða máli skipta þau fyrir gæði kennslu? Í því samhengi er hlutverk kennarans skoðað og hvaða áhrif hann hefur á gæði stærðfræðikennslunnar. Rýnt er í hvað kennari þarf að gera til að rík stærðfræðiverkefni styðji nemendur í árangursríku stærðfræðinámi. Kennarinn er sá aðili sem hefur einna mest áhrif á framvindu náms nemenda sinna. Fyrst og fremst getur námið ekki borið árangur nema kennari láti nemendum sínum í té krefjandi stærðfræðiverkefni. Árangursríkt stærðfræðinám á sér stað þegar allir nemendur fá að kljást við stærðfræðiverkefni sem gera háar vitsmunalegar kröfur. Að því sögðu eiga lakari nemendur ekki að standa frammi fyrir þeirri reynslu að fá ekki tækifæri til að kljást við verðug stærðfræðiverkefni. Svo að stærðfræðiverkefni geti talist verðug þurfa þau að einkennast annaðhvort af opnum verkefnum, verkefnum sem krefjast rannsóknaraðferða, sjónrænum verkefnum, verkefnum sem gefa ráðrúm til rökstuðnings og/eða verkefnum sem hafa lágan þröskuld en hátt þak. Samhliða þeim verkefnum sem kennari úthlutar nemendum sínum skiptir fas hans og framkoma miklu máli í farsælu stærðfræðinámi. Þá er átt við hvernig kennari stuðlar að vaxtarhugarfari nemenda sinna, samskiptum við þá og hvaða námsumhverfi hann býður upp á.

Author dc:creator

• Harpa Sólveig Brynjarsdóttir 1997-

Contributors dc:contributor

• Háskóli Íslands

• BEd ritgerðir
• grunnskólakennsla með áherslu á stærðfræði
• Stærðfræðikennsla
• Kennsluaðferðir
• Grunnskólanemar

Language dc:language.iso

is

Handle dc:identifier.uri

http://hdl.handle.net/1946/36743

OAI identifier oai:identifier

oai:skemman.is:1946/36743