Gengið aftur í fótspor fortíðarinnar: Um tímaskyn samtímamenningar út frá fræðiskrifum Mark Fishers

Ritgerð þessi er unnin til BA-prófs í listfræði við Háskóla Íslands. Í ritgerðinni verður fjallað um skrif fræðimannsins Mark Fishers (1968-2017) um tímaskynjun út frá listfræðilegu sjónarhorni. Markmið ritgerðarinnar er annars vegar að sýna fram á mikilvægi Fishers í fræðilegri umræðu og hins vegar að gera tilraun til að greina mögulega orsök breyttrar tímaskynjunar í samtímamenningu. Til að nálgast þau markmið verður lykilhugtak Fishers um hina nýju menningarstefnu samtímans, kapítalískt raunsæi, greint frá menningarlegri forsögu þess til að tímasetja og skilja fræðilegan bakgrunn Fishers. Því næst verður reynt að staðsetja þau hugtök sem Fisher notaði í greiningu sinni á tímalegri þróun með því að bera saman skilgreiningu hans við skrif annarra fræðimanna. Að lokum er gerð tilraun til þess að nota áðurgreinda aðferðarfræði Fishers í listfræðilegri greiningu. Fisher hefur verið staðsettur utan hins hefðbundna fræðiheims því skrif hans voru talin vera of óþjál og persónuleg til að vera skilgreind sem þýðingarmikil. Þegar Fisher féll fyrir eigin hendi árið 2017 fengu skrif hans loks verðskuldaða athygli, en hafa þó enn ekki náð almennilegri fótfestu innan fræðiheimsins. Niðurstöður ritgerðarinnar sýna fram á mikilvægi skrifa Fisher ásamt nauðsyn komandi kynslóða til þess að halda áfram þeirri greiningu á tímaskyni sem hann byrjaði á.

Author dc:creator

• Steinn Helgi Magnússon 1994-

Contributors dc:contributor

• Háskóli Íslands

• Listfræði
• Fisher, Mark, 1968-2017
• Tímaskyn
• Fræðileg skrif
• Menning

Language dc:language.iso

is

Handle dc:identifier.uri

http://hdl.handle.net/1946/35521

OAI identifier oai:identifier

oai:skemman.is:1946/35521