Þematengd skuldabréf Möguleg leið skuldabréfamarkaða við innleiðingu á Heimsmarkmiðum Sameinuðu þjóðanna?

Viðfangsefni ritgerðarinnar eru þematengd skuldabréf og hvernig þau nýtast í þágu innleiðingar Heimsmarkmiða Sameinuðu þjóðanna um sjálfbæra þróun. Í grunninn eru þematengd skuldabréf eins og hefðbundin skuldabréf nema að því leyti að einungis má ráðstafa söluandvirði þeirra í verkefni sem skilgreind hafa verið fyrirfram og teljast vera vistvæn og/eða skili jákvæðri félagslega útkomu. Þematengdu skuldabréfin eru til dæmis flokkuð sem græn skuldabréf en þar er stefnt að umhverfisvænni útkomu eða félagsleg skuldabréf þar sem gert er ráð fyrir jákvæðri félagslegri útkomu. Markmiðið er að skoða hvort það felist aukinn ávinningur af útgáfu þematengdra skuldabréfa, samanborið við hefðbundin. Auk þess er skoðað hvort útgáfa á þematengdum skuldabréfum styðji við innleiðingu á Heimsmarkmiðum Sameinuðu þjóðanna. Í þessari heimildaritgerð eru skoðuð áhrif á útgefendur, fjárfesta og samfélagið í heild, en ávinningur fyrir þessa aðila getur verið af ýmsum toga. Niðurstöður eru þær helstar að um útgáfu á þematengdum skuldabréfum gilda strangari verkferlar en fyrir hefðbundin skuldabréf. Útgefendur sem hyggjast gefa út græn og félagsleg skuldabréf þurfa að útbúa umgjörð (ramma) utan um útgáfu þeirra. Hún á að innihalda upplýsingar um þau verkefni sem á að fjármagna. Fyrir útgefendur þematengdra skuldabréfa er helsti ávinningurinn aukinn árangur og samkeppnisforskot. Meginávinningur fjárfesta er bætt áhættustýring þar sem verkferlar þematengdra skuldabréfa er töluvert strangari en í hefðbundnum skuldabréfum. Það ætti að gagnast fjárfestum sem vilja hafa góða yfirsýn yfir eigin fjárfestingar. Helsti ávinningur samfélagsins er bætt umhverfi og bætt félagsleg staða borgara því fjárfest er í langtímaverkefnum og þar að leiðandi framtíðar ávinningi. Fræðilegt framlag ritgerðarinnar er að greina ávinningin sem hlýst við útgáfu á þematengdum skuldabréfum og skoða hvort tengsl séu milli þeirra og Heimsmarkmiðanna. Ritgerðin gagnast fjárfestum og útgefendum á skuldabréfamarkaði sem hafa áhuga á því að kynna sér mögulegar lausnir á þeim vandamálum sem kynnt eru í Heimsmarkmiðunum.

Author dc:creator

• Stefán Ari Dahl 1990-

Contributors dc:contributor

• Háskóli Íslands

• Viðskiptafræði
• Skuldabréf
• Sameinuðu þjóðirnar. Heimsmarkmið um sjálfbæra þróun

Language dc:language.iso

is

Handle dc:identifier.uri

http://hdl.handle.net/1946/35471

OAI identifier oai:identifier

oai:skemman.is:1946/35471