„Samfélagsmiðlar...væri besta leiðin til að ná til sem flestra“. Reynsla nemenda af náms- og starfsfræðslu og sýn þeirra á nýtingu samfélagsmiðla við slíka fræðslu

Markmið rannsóknarinnar var tvíþætt, annars vegar að kanna upplifun og reynslu þátttakenda af náms- og starfsfræðslu og hins vegar viðhorf þeirra á notkun samfélagsmiðla sem upplýsingaveitu um nám og störf. Tekin voru hálfstöðluð viðtöl við sex þátttakendur á aldrinum 18-19 ára sem eru á lokaári sínu í framhaldsskóla. Þátttakendur voru bæði búsettir á höfuðborgarsvæðinu og á landsbyggðinni. Niðurstöður rannsóknarinnar sýna að viðmælendur höfðu litla reynslu af náms- og starfsfræðslu í grunn- og framhaldsskóla. Upplifun þeirra af náms- og starfsfræðslu fólst aðallega í vettvangsheimsóknum og námskynningum. Misjafnt var eftir viðmælendum hvort upplifun þeirra af náms- og starfsfræðslu hafi verið gagnleg eður ei. Allir viðmælendur litu sem svo á að það væri góð hugmynd að nýta samfélagsmiðla við náms- og starfsfræðslu þar sem að nú til dags væri allt aðgengilegt á internetinu og á samfélagsmiðlum. Niðurstaðan er sú að nemendur fá litla sem enga náms- og starfsfræðslu sem bendir til þess að enn í dag er óvissa í samfélaginu varðandi gagnsemi hennar. Viðmælendur töldu að það væri hentug leið að nýta samfélagsmiðla til þess að ná betur til ungmenna. Því er mikilvægt að nýta sér þekkingu innan náms- og starfsráðgjafarfræða um upplýsingamiðlun til einstaklinga í gegnum samfélagsmiðla. Vonast er til að rannsóknin geti gefið innsýn hvernig hægt er að auka upplýsingaflæði til nemenda um náms- og starfstækifæri.

Author dc:creator

• Hildur Mist L. Pálmarsdóttir 1992-

Contributors dc:contributor

• Háskóli Íslands

• Námsráðgjöf
• Starfsráðgjöf
• Samfélagsmiðlar
• Framhaldsskólanemar
• Upplýsingamiðlun

Language dc:language.iso

is

Handle dc:identifier.uri

http://hdl.handle.net/1946/32368

OAI identifier oai:identifier

oai:skemman.is:1946/32368