Brauð er barna matur

Heimilisfræði er námsgrein sem er kennd í Íslenskum grunnskólum og er oft í daglegu tali kölluð matreiðsla. Þar ættu nemendur meðal annars að læra hvernig þeir geta bætt lífsstíl sinn og neytt hollari matar. Tilgangur þessa verkefnis er að fara yfir valdar kennslubækur í heimilisfræði og skoða í þeim uppskriftirnar með áherslu á baksturuppskriftirnar og skoða og reikna út í þeim trefjamagn prósentu og magn viðbætts sykurs. Síðan var athugað hvort að uppskriftirnar eru í samræmi við það sem mælt er með í Skráargatinu og Embætti landlæknis um ≥6% magn trefja og ≤5% magn viðbætts sykurs. Þá voru valdar uppskriftir sem voru einnig skoðaðar og bornar saman við þessi gildi til þess að sjá hvort hægt væri að mæla með þeim. Þessar nýju uppskriftir innihalda mest heilhveiti, rúg, hafrar sesam, sólblómaolía, þurrkuð fræ, einnig ávexti, sultur, ávaxta mauk sem eru fáanlegar á íslenskum verslunum. Þetta eru 28 uppskriftir. Kennsluækurnar innihalda samtals 90 bakstur uppskriftir. Samkvæmt niðurstöðum rannsóknarinnar voru aðeins 9 uppskriftir (10%) sem innihéldu ≥6% af trefjum á meðan að 45 uppskriftir (50%) innihéldu ≤5% af viðbættum sykri. Hins vegar voru niðurstöðurnar úr uppskriftunum 28 á þann veg að 11 uppskriftir innihéldu ≥6% trefja og eingöngu 25 uppskriftir innihéldu ≤5% af viðbættum sykri. Þessar niðurstöður sýna okkur að þörf er á að breyta eða bæta þær uppskriftir sem notaðar eru við kennslu og möguleiki er á því að nota uppskriftirnar 28 í staðinn.

Author dc:creator

• Bjarni Guðjónsson 1970-

Contributors dc:contributor

• Háskóli Íslands

• Meistaraprófsritgerðir
• Heilsuefling og heimilisfræði
• Mataruppskriftir
• Heilsufæði

Language dc:language.iso

is

Handle dc:identifier.uri

http://hdl.handle.net/1946/31926

OAI identifier oai:identifier

oai:skemman.is:1946/31926