Farsæl þáttaskil : að stuðla að farsælum þáttaskilum á mótum leik- og grunnskóla.

Í þessu lokaverkefni til B.Ed prófs verður fjallað um þau þáttaskil þegar börn yfirgefa leikskóla og hefja grunnskólagöngu sína og skoðað verður að hverju þarf að huga til að farsæl þáttaskil eigi sér stað. Miklar framfarir og breytingar hafa orðið í menntun ungra barna síðustu áratugi og með komu aðalnámskrár allra skólastiga hefur áherslan á samfellu á milli skólastiga aukist til muna. Við þáttaskilin breytast áherslur í námi ásamt hlutverkum barnanna og er því mikilvægt að byggt sé á fyrri þekkingu þeirra, á þeirri þekkingu sem þau koma með úr leikskólanum og að heiman til að skapa samfellu í námi. Hlutverk foreldra, leikskólakennara, grunnskólakennara og annarra starfsmanna skólanna skipta sköpum á tímum sem þessum og er því mikilvægt að allir sinni sínum störfum vel og hafi ávinning og líðan barnanna ávallt að leiðarljósi. Dregnar verða fram kenningar fræðimanna sem og erlendar og íslenskar rannsóknir sem að veita mínu máli stuðning. Ég vona að skrif mín nýtist kennurum á mótum leik- og grunnskóla sem og foreldrum til að öðlast betri sýn á því hverju þarf að huga að til að reynsla barnanna verði sem jákvæðust á þáttaskilum sem þessum.

Author dc:creator

• Rut Bergmann Róbertsdóttir 1990-

Contributors dc:contributor

• Háskóli Íslands

• Leikskólakennarafræði
• BEd ritgerðir
• Leikskólar
• Grunnskólar
• Skólabyrjun

Language dc:language.iso

is

Handle dc:identifier.uri

http://hdl.handle.net/1946/28724

OAI identifier oai:identifier

oai:skemman.is:1946/28724