Vísindaleikir í leikskólastarfi : verklegar athuganir á vatni og lofti

Markmiðið með þessu verkefni er að búa til og prófa kennsluefni í vísindum fyrir starfsmenn leikskóla, en þróaðir voru fimm vísindaleikir í tengslum við vatn og loft. Í þessari greinargerð fjalla ég um fræðilegan bakgrunn náms og leikja auk þess sem ég segi frá og lýsi því ferli hvernig gekk að prófa þessa vísindaleiki með fimm barna hópi á aldrinum fjögurra til sex ára. Ástæða þess að ég valdi að vinna að þróun þessara vísindaleikja er sú að ég tel að margir starfsmenn leikskóla, að mér með talinni, séu óöruggir að kenna börnum vísindi og því er þetta kennsluefni ákveðið hjálpartæki við að kenna börnum vísindi. Vinnan við gerð kennsluefnisins fór þannig fram að ég og Haukur leiðbeinandinn minn byrjuðum á því að þróa leikina og síðan fór ég á vettvang og prófaði þá ásamt hópi barna sem ég nefni hér að ofan. Ég tók upp myndbönd af því þegar vísindaleikirnir voru unnir og notaði ég þau í úrvinnslu á gögnum ásamt því að skoða ljósmyndir sem ég tók og þá punkta sem ég skrifaði niður á vettvangi. Að mínu mati fór ekki á milli mála að börnin höfðu mjög gaman af þessum verkefnum og bæði út frá viðbrögðum foreldra og minni upplifun þá tel ég að börnin hafi lært mikið um vatn og loft í gegnum þetta ferli. Ég tel því að þetta kennsluefni gæti hjálpað kennurum með að vinna vísindi með börnum og ýtt þannig undir forvitni og rökhugsun barna.

Author dc:creator

• Ástrós Þóra Valsdóttir 1995-

Contributors dc:contributor

• Háskóli Íslands

• Leikskólakennarafræði
• BEd ritgerðir
• Leikskólar
• Leikur
• Vísindi
• Kennsluaðferðir
• Kennsluhugmyndir

Language dc:language.iso

is

Handle dc:identifier.uri

http://hdl.handle.net/1946/28450

OAI identifier oai:identifier

oai:skemman.is:1946/28450