Barneignarþjónusta og aðgangur að sólahringsþjónustu á landsbyggðinni, með áherslu á Heilbrigðisstofnun Norðurlands

Árið 2014 voru allar heilbrigðisstofnanir á Norðurlandi að undanskildu Sjúkrahúsinu á Akureyri sameinaðar undir einum hatti, Heilbrigðisstofnun Norðurlands. Heilbrigðisumdæmið nær frá Blönduósi í vestri til Þórshafnar í austri en um 400 km skilja að þessa tvo staði. Aðeins einn fæðingastaður er á upptökusvæði stofnunarinnar, á Akureyri. Áður fyrr voru fæðingar á mun fleiri stöðum og þær síðustu á Sauðárkróki og Húsavík lokuðu á árabilinu 2005¬¬–2009.Tilgangur þessa verkefnis er að skoða hvernig skipulagi barneignarþjónustu í dreifbýli er háttað, koma fram með hugmyndir um breytingar á þjónustusvæði Heilbrigðisstofnunar Norðurlands í samræmi við þjónustuþarfir kvenna, barna og fjölskyldna þeirra.Fræðileg samantekt sýnir fram á mikilvægi samfelldrar þjónustu frá sömu ljósmóður eða litlum hópi ljósmæðra fyrir upplifun af öryggi og útkomu fæðinga. Í íslenskum lögum er kveðið á um að heilbrigðisþjónustu skuli veita á viðeigandi þjónustustigi, að heilsugæsla skuli að öllu jöfnu vera fyrsti viðkomustaður sjúklinga og að í mæðravernd eigi að veita þjónustu á viðeigandi og öruggan hátt. Mikilvægt er skoða hvernig og hvort skipulag barneignarþjónustu samræmist íslenskum heilbrigðislögum og hvernig hægt sé að efla og bæta þjónustu við barnshafandi konur á landsbyggðinni sem næst heimabyggð, allan sólarhringinn. Eins óútreiknanlegt og barneignarferlið er getur konan og fjölskylda hennar þurft á þjónustu að halda hvort sem er að nóttu eða degi.

Author dc:creator

• Heiða Jóhannsdóttir 1988-

Contributors dc:contributor

• Háskóli Íslands

• Ljósmóðurfræði

Language dc:language.iso

is

Handle dc:identifier.uri

http://hdl.handle.net/1946/28326

OAI identifier oai:identifier

oai:skemman.is:1946/28326