Áhrif ófrjósemis á parasambandið

Í þessari B.a.-ritgerð, sem er 12 eininga lokaverkefni í félagsráðgjöf við Háskóla Íslands, verður fjallað um ófrjósemi og áhrif þess á parasambandið. Samkvæmt Alþjóðaheilbrigðisstofnuninni (WHO) er ófrjósemi heilbrigðisvandamál sem fyrirfinnst um víðan heim. 10-15% para glíma við ófrjósemi sem orsakast jafnt hjá báðum kynjum. Ófrjósemi getur haft andleg-, líkamleg-, félagsleg-, samfélagsleg- og fjárhagsleg áhrif á einstaklinga og pör. Barnleysi getur reynst pörum afar þungbært þar sem mörg pör hafa tekið þá ákvörðun að eignast barn þegar ófrjósemin uppgötvast. Markmið ritgerðarinnar er að varpa sýn á áhrif ófrjósemis á pör en jafnframt verður gerð grein fyrir orsökum þess, tíðni og úrræðum við ófrjósemi. Úrvinnsla para á erfiðleikum tengdum ófrjósemi verður einnig skoðuð og hvernig fagleg ráðgjöf getur borið árangur og stuðlað að velferð para. Niðurstaða þessarar heimildaritgerðar er sú að ófrjósemi hefur bæði jákvæð og neikvæð áhrif á parasambandið. Eigi reynslan að vera jákvæð er lykilatriði að parið sýni samstöðu og vinni sameiginlega að þessu erfiða verkefni.

Author dc:creator

• Júlía Guðrún Björnsdóttir 1989-

Contributors dc:contributor

• Háskóli Íslands

• Félagsráðgjöf
• Ófrjósemi
• Áhrif
• Sambúð
• Hjón

Language dc:language.iso

is

Handle dc:identifier.uri

http://hdl.handle.net/1946/27377

OAI identifier oai:identifier

oai:skemman.is:1946/27377