Er Ísland fýsilegur markaður fyrir Amizate vörur?

Markmið ritgerðarinnar er að skoða fæðubótarefnamarkaðinn sem Amino Ísland hyggst herja á og í framhaldi búa til drög að markaðsáætlun fyrir fyrirtækið. Höfundur vonast til þess að auka með þessu þekkingu sína á markaðsáætlanagerð en einnig að verkefnið nýtist vel á fyrstu skrefum í markaðssetningu á Amizate vörum hérlendis. Rannsóknarspurning sem höfundur leitast við að svara í verkefninu er „Er Ísland fýsilegur markaður fyrir Amizate vörur?" Verkefnið skiptist í sjö kafla. Í fyrsta kafla er fjallað um vöruna sem Amino Ísland hyggst markaðssetja hérlendis og hún skilgreind. Því næst er markaðsumhverfi fyrirtækisins kannað og til þess stuðst við fimm þátta líkan Porters. Þriðji kafli fjallar stuttlega um málefni fyrirtækisins, eins og t.d. eignarhald þess. 4. kafli verkefnisins fjallar um ytra umhverfi fyrirtækisins og 5. kafli fjallar um SVÓT greiningu á viðskiptahugmyndinni. Í 6. kafla framkvæmdi höfundur rannsókn á neytendahegðun Íslendinga á markaði fæðubótarefna. Helstu niðurstöður rannsóknarinnar voru nokkuð jákvæðar að mati höfundar þar sem t.d. mikilvægi þess að hafa klínískar rannsóknir að baki vöru á fæðubótarmarkaði kom sterklega í ljós. Einnig dró rannsóknin fram hvaða þætti neytendur telja mikilvægasta við val á fæðubótarefnum og kom þar í ljós að mikilvægast telja neytendur að varan virki eins og vonir stóðu til því næst að hún sé bragðgóð og þriðji mikilvægasti þátturinn var verð. Önnur spurning sem höfundi fannst skila mikilvægum niðurstöðum var spurningin um hvort svarendur þekktu virkni stuttra peptíða. Einungis sögðu rúm 13% svarenda þekkja virkni stuttra peptíða sem sýnir að mikið verk er fyrir höndum við að kynna virkni þeirra fyrir neytendum í markaðssetningunni, enda mikilvægt atriði í aðgreiningu vörunnar frá samkeppnisvörum. Allt eru þetta mikilvægar upplýsingar sem gott er að hafa áður en ráðist er í markaðssetningu á efninu hérlendis. Í 7. kafla er fjallað um miðaða markaðssetningu og lögð fram drög að markaðsáætlun fyrir Amino Ísland. Auk rannsóknarinnar studdist höfundur við heimildir af vefsíðum stofnana og fyrirtækja við vinnslu verkefnisins auk þess að afla frumgagna með viðtali við framkvæmdastjóra Zymtech AS, Steinar Kristjánsson. Einnig nýtti höfundur kennslu og fræðibækur ásamt leiðsögn leiðbeinanda.

Author dc:creator

• Friðrik Dór Jónsson 1988-

Contributors dc:contributor

• Háskóli Íslands

• Viðskiptafræði
• Fæðubótarefni
• Markaðsáætlanir
• Amino Ísland (fyrirtæki)
• Markaðssetning

Language dc:language.iso

is

Handle dc:identifier.uri

http://hdl.handle.net/1946/24610

OAI identifier oai:identifier

oai:skemman.is:1946/24610