Rekstur, skipulag og stjórnun heimilisins. Hvernig förum við að og er áhugi á heildstæðri lausn?

Viðfangsefni þessarar lokaritgerðar er rekstur, skipulag og stjórnun heimilisins. Markmið hennar er að komast að því hvort fólk heimfæri aðferðir og verkfæri fyrirtækja og verkefnastjórnunar yfir á heimilið. Leitast er við að svara þremur rannsóknarspurningum sem eru eftirfarandi: Hvernig rekum við, skipuleggjum og stjórnum heimilinu? Er heildstæð lausn möguleg? Er áhugi á heildstæðri lausn? Í fyrri hluta ritgerðarinnar er fræðileg umfjöllun þar sem er byrjað vítt með því að skoða hvað fyrirtæki er, þaðan er kafað dýpra yfir í verkefnastjórnun og Agile aðferðafræði. Viðfangsefnið er svo smám saman þrengt þar til við komum inn á heimili og skoðum nokkrar gagnlegar aðferðir og verkfæri. Í seinni hluta ritgerðarinnar er sagt frá rannsókn sem var unnin í tengslum við verkefnið. Rannsóknin er bæði eigindleg og megindleg. Spurningalisti með 21 spurningu var lagður fyrir þátttakendur í megindlegu rannsókninni. Þar var haft hugfast að þeir sem tækju þátt væru komnir á þann aldur að geta stofnað sitt eigið heimili og þar af leiðandi haft eitthvað að segja um rekstur, skipulag og stjórnun þess. Eigindlega rannsóknin fór þannig fram að viðtal var tekið með því að leggja fram spurningalista sem viðmælandi svaraði fyrst skriflega en svo var honum fylgt eftir símleiðis. Niðurstöður rannsóknarinnar sýna fram á helstu aðferðir sem fólk beitir við rekstur, skipulag og stjórnun heimila. Niðurstöðurnar gefa til kynna að heildstæð rafræn lausn á þessu sviði þætti möguleg og mikill áhugi virðist vera fyrir því að nýta sér slíka lausn ef hún mun standa til boða í framtíðinni.

Author dc:creator

• Þórey Heiðdal Vilhjálmsdóttir 1979-

Contributors dc:contributor

• Háskóli Íslands

• Viðskiptafræði
• Heimilishald

Language dc:language.iso

is

Handle dc:identifier.uri

http://hdl.handle.net/1946/21257

OAI identifier oai:identifier

oai:skemman.is:1946/21257