Kynjakvótalögin: fjölbreytni, arðsemi og hindranir. Eykur fjölbreytni í stjórnum fyrirtækja, eftir tilkomu kynjakvótalaga, arðsemi og ryður burt hindrunum?

Í fyrri hluta þessarar ritgerðar verður almenn umfjöllun um kynjakvótalög bæði á Íslandi og í öðrum Evrópulöndum. Skoðuð verða rök með og á móti kynjakvótalögum með sérstöku tilliti til setningar kynjakvótalaga í Noregi en Noregur var fyrsta landið í heiminum til að innleiða lög um kynjakvóta í stjórnum fyrirtækja árið 2003. Í síðari hluta ritgerðarinnar verða skoðuð viðhorf fjögurra stjórnarformanna, bæði kvenkyns og karlkyns, til kynjakvótalaganna. Tekin voru viðtöl við þá og þau greind í anda grundaðrar kenningar til þess að leitast við að fá svar við þeirri rannsóknarspurningu sem lagt var upp með: Eykur fjölbreytni í stjórnum fyrirtækja, eftir tilkomu kynjakvótalaga, arðsemi og ryður burt hindrunum? Allir viðmælendur voru sammála um að fjölbreytileiki stjórnarmanna sé eitt af mikilvægustu einkennum góðrar stjórnar en aðeins einn viðmælandi taldi kyn vera ákveðinn eiginleika sem yki þennan fjölbreytileika. Þrír af fjórum viðmælendum rannsóknarinnar höfðu ekki hugleitt að jafnara hlutfall kynjanna í stjórnum fyrirtækja gæti aukið arðsemi. Viðmælendur höfðu misjafnar skoðanir á kynjakvótalögunum en allir gátu tekið undir að lögin hjálpi til við að rjúfa „glerþakið” svo kallaða sem samanstendur af þeim hindrunum sem hefta framgang kvenna í atvinnulífinu. Kynjakvótalögin ryðja burt ákveðnum hindrunum kvenna til að komast í stjórnir og hvetja þær jafnframt til að gefa kost á sér í stjórnir fyrirtækja.

Author dc:creator

• Anna Guðrún Gunnlaugsdóttir 1992-

Contributors dc:contributor

• Háskóli Íslands

• Viðskiptafræði
• Kynjakvótar
• Stjórnun

Language dc:language.iso

is

Handle dc:identifier.uri

http://hdl.handle.net/1946/20438

OAI identifier oai:identifier

oai:skemman.is:1946/20438