Hlutverk félagsmálastjóra: Áherslumunur í starfi eftir stærð sveitarfélaga

Í þessari ritgerð verður leitast við að varpa ljósi á störf félagsmálastjóra í félagsþjónustu sveitarfélaga á Íslandi. Lagt verður upp með þrjár rannsóknarspurningar og er markmið ritgerðarinnar að fá svör við þeim. Sú fyrsta er tvíþætt og fjallar annars vegar um hver störf félagsmálastjóra í félagsþjónustu sveitarfélaga eru og hins vegar hvort áherslumunur sé á starfi þeirra eftir stærð sveitarfélaga. Önnur spyr hvað hafa þurfi í farteskinu til að ná árangri í starfi sem félagsmálastjóri. Ritgerðin byggir á rannsókn en megindleg einstaklingsviðtöl voru valin sem rannsóknaraðferð. Tekin voru fjögur viðtöl við félagsmálastjóra í félagsþjónustu og voru þeir valdir eftir stærð sveitarfélaga. Þrír viðmælenda eru félagsmálastjórar á landsbyggðinni, tveir viðmælenda í litlum sveitarfélögum og einn í milli stóru. Sá fjórði er félagsmálastjóri í sveitarfélagi á höfuðborgarsvæðinu. Niðurstöður sýndu að störf félagsmálastjóra eru bæði fjölbreytt og krefjandi. Störf þeirra felast meðal annars í rekstri og stjórnun á sviði félagsþjónustu. Þá eru félagsmálastjórar yfirmenn þeirra málaflokka sem falla undir félagsþjónustu sveitarfélaga, svo sem málefni fatlaðra, málefni aldraðra, barnavernd og fleira. Þegar störf félagsmálastjóra eru skoðuð út frá stærð sveitarfélaga, sýna niðurstöður rannsóknarinnar töluverðan mun á starfi þeirra samkvæmt upplifun viðmælenda sem tóku þátt í rannsókninni. Þessi munur felst í því að félagsmálastjórar í stærri sveitarfélögum sinna frekar rekstri og stjórnun í sínu starfi og hafa undirmenn eða deildarstjóra sem hafa stýra málaflokkum félagsþjónustunnar. Þá sinna þeir ekki einstaklingsmálum og vinna ekki með skjólstæðinga í daglegu starfi. Félagsmálastjórar í minni sveitarfélögum sinna bæði að rekstri og stjórnun auk þess að vera yfirmenn allra málaflokka félagþjónustunnar. Í minni sveitarfélögum eru síður síður deildarstjórar sem sjá um ákveðna málaflokka og þýðir það aukið álag á félagsmálastjórunum. Færri starfsmenn og fagaðilar starfa í litlum sveitarfélögum og því getur það lent í hlut félagsmálastjóra að sinna einstaklingsmálum. Að lokum sýndu niðurstöður að þekking á kerfi félagsþjóstunnar, innsýn í rekstur og starfsmannastjónun, grunnþekking í félagsráðgjöf, heildarsýn og áhugi væru mikilvægir þættir til vænlegs árangurs í starfi félagsmálastjóra.

Author dc:creator

• Sara Lind Kristinsdóttir 1991-

Contributors dc:contributor

• Háskóli Íslands

• Félagsráðgjöf
• Sveitarfélög
• Félagmálastjórar

Language dc:language.iso

is

Handle dc:identifier.uri

http://hdl.handle.net/1946/20340

OAI identifier oai:identifier

oai:skemman.is:1946/20340