Dulúð tvísköttunarsamninga. Áhrif tvísköttunarsamninga á þjóðir

Tilgangur ritgerðarinnar er að gera grein fyrir áhrifum tvísköttunarsamninga á viðkomandi þjóðir. Af hverju gera þjóðir tvísköttunarsamninga? Leiða tvísköttunarsamningar til góðs? Gerð tvísköttunarsamninga á Íslandi hófst, í núverandi mynd, árið 1937 og er sú vinna að mörgu leyti komin stutt á leið miðað við nágrannaþjóðir okkar. Í ritgerð þessari verður kafað dýpra í gerð tvísköttunarsamninga. Í öðrum kafla er almenn umfjöllun um tvísköttunarsamninga. Skoðað er hvers konar réttarheimild tvísköttunarsamningur er og hvaða stöðu hann hefur gagnvart landsrétti. Þá er saga tvísköttunarsamninga kynnt með sérstakri áherslu á áhrif heimsstyrjaldaráranna. Skoðuð verða helstu efnisatriði þeirra og sérstaklega tekið tillits til túlkunar tvísköttunarsamninga, þ.á.m. verður rætt um samningsfyrirmynd Efnahags- og framfarastofnunar Evrópu (OECD), auk þess sem kynntar verða aðrar fyrirmyndir sem gerðar hafa verið á milli ríkja og stofnana. Í þriðja kafla verður lögð sérstök áhersla á samband Íslands við tvísköttunarsamninga. Þá verður kynnt heimild ríkisstjórnar til að gera tvísköttunarsamninga við önnur ríki, framkvæmd skattyfirvalda við gerð slíkra samninga og innleiðing í landsrétt. Jafnframt verða skoðaðir dómar og úrskurðir til fyllingar heimildarinnar. Næst verður lögð áhersla á mikilvægi upplýsingaskiptasamninga við önnur ríki, og þá sérstaklega lágskattaríki. Kynnt verða helstu atriði þessara samninga og einnig skoðuð tenging þeirra við samningsfyrirmynd OECD. Að því loknu verður í fimmta kafla sérstaklega skoðað hvernig innlend lög, utanríkisviðskipti og samningsfyrirmynd OECD spila saman varðandi skattlagningu arðs, vaxta og þóknana. Tekin verða fyrir tvö dæmi til að varpa betur ljósi á skattlagningu arðs hjá annarsvegar ríki sem Ísland hefur gert tvísköttunarsamning við og hinsvegar ekki. Í sjötta kafla eru spurningar skoðaðar sem lagðar voru fyrir helstu sérfræðinga sem starfa við umhverfi tvísköttunarsamninga, þ.e.a.s. starfsmenn endurskoðunarfyrirtækja með sértæka skattaaðstoð. Hafði höfundur samband við sérfræðinga á þessu sviði til að komast að því hvort fyrirtæki athugi tvísköttunarsamninga áður en ráðist er í útrás. Í þessu sambandi var sú aðferðafræði sem notuð var skilgreind og eigindleg aðferðafræði lauslega skoðuð. Einnig verða áhrif tvísköttunarsamninga á ríki heims, og þá sérstaklega Ísland, skoðuð og reynir höfundur að svara því hver áhrif tvísköttunarsamninga eru í raun og hvort samningarnir séu hagstæðir

Author dc:creator

• Karen Ósk Pétursdóttir 1985-

Contributors dc:contributor

• Háskóli Íslands

• Viðskiptafræði

Language dc:language.iso

is

Handle dc:identifier.uri

http://hdl.handle.net/1946/19793

OAI identifier oai:identifier

oai:skemman.is:1946/19793