„Þá er hrópað hátt um líf og synd og glæp.“ Um rauðsokkur, frjálsar fóstureyðingar og andstöðu

Rannsókn þessi er unnin eftir aðferðum kynjasagnfræði, þar sem kenningum kynjafræði er fléttað saman við sagnfræðilega rannsóknarvinnu. Í rannsókninni er fjallað um baráttu rauðsokka fyrir frjálsum fóstureyðingum á tímabilinu 1970-1975. Rauðsokkur áttu stóran þátt í að koma endurskoðun fóstureyðingalaganna í umræðuna. Þær lögðu ríka áherslu á að í nýjum fóstureyðingalögum skyldu fóstureyðingar gerðar frjálsar og þær lögðu áherslu á aðkomu kvenna að gerð nýrra laga. Rauðsokkur settu baráttuna fyrir frjálsum fóstureyðingum í samhengi við réttindabaráttu kvenna á öðrum sviðum; sjálfsákvörðunarrétturinn var nauðsynlegur fyrir fullt kvenfrelsi. Þá fjallar rannsóknin um þá andstöðu sem rauðsokkur og málstaður þeirra mætti í fóstureyðingamálinu. Umræða í fjölmiðlum og á Alþingi var greind og komu þá í ljós þrástef í orðræðunni. Í umræðu í fjölmiðlum var rauðsokkum stillt upp í andstöðu við ríkjandi hugmyndir um kvenleika; þær hugsuðu um eigin hagsmuni, vildu ekki hugsa um börnin sín og vildu jafnvel drepa börnin sín. Þær voru sagðar valda upplausn í samfélaginu, vera lauslátar og siðspilltar. Í umræðu sérfræðinga og leikmanna á Alþingi og í fjölmiðlum mátti greina hugmyndir um vanhæfni kvenna til að taka ákvarðanir um fóstureyðingar og að frjálsar fóstureyðingar myndu ýta undir lauslæti.

Author dc:creator

• Gunnhildur Sigurhansdóttir 1981-

Contributors dc:contributor

• Háskóli Íslands

• Kynjafræði
• Rauðsokkahreyfingin
• Fóstureyðingar
• Sagnfræði

Language dc:language.iso

is

Handle dc:identifier.uri

http://hdl.handle.net/1946/17010

OAI identifier oai:identifier

oai:skemman.is:1946/17010