Hver á að borga? Væntingar um greiðsluþátttöku í stjúpfjölskyldum

Markmið rannsóknarinnar var að varpa ljósi á hverjar væntingar foreldra eru um greiðsluþátttöku í stjúpfjölskyldum. Notast var við eigindlegar rannsóknaraðferðir þar sem tekin voru óstöðluð viðtöl. Þátttakendur rannsóknarinnar voru átta talsins; fjórar mæður sem fá greitt meðlag frá barnsföður og eru í sambúð með nýjum maka sem einnig á barn fyrir, fjórir feður sem fá börn sín í umgengni, greiða meðlag og eru í sambúð með nýrri konu sem kemur einnig með barn inn í sambandið. Að sögn feðranna eru þeir allir af vilja gerðir til að greiða meðlag ásamt því að aðstoða aukalega sé þess þörf. Hins vegar benda niðurstöður til þess að mæður sýni ákveðna uppgjöf hvað væntingar um aukna greiðsluþátttöku barnsfeðra varðar og enginn barnsfeðranna greiddi meira en það meðlag sem þeim ber skylda til með börnum sínum. Þrátt fyrir að feðurnir væru fúsir til að greiða aukalega með börnum sínum upplifðu þeir svik þegar barnsmæður óskuðu eftir aukinni greiðsluþátttöku, þá hafði sá peningur sem þeir létu af hendi farið í annað að þeirra mati. Niðurstöður sýndu ákveðna eftirsjá hjá mæðrunum að hafa einhvern tímann óskað eftir fjárhagslegri aðstoð barnsföðurs. Viðmælendur töldu gott samkomulag um fjármál innan stjúpfjölskyldunnar. Einnig töldu þeir sig ekki hafa lent í það miklum ágreiningi varðandi stjúpbörn sín að ekki hefði verið hægt að leysa hann strax. Þátttakendur rannsóknarinnar vildu allir sjá einhverskonar breytingar á lögum er varða meðlagsgreiðslur ásamt breytingum á skráningu lögheimilis. Efnisorð: Stjúptengsl, stjúpfjölskylda, greiðsluþátttaka, foreldrahlutverk, meðlag, barnabætur, fjölskyldubótakerfi, fjármál stjúpfjölskyldna.

Author dc:creator

• Ólöf Lára Ágústsdóttir 1981-

Contributors dc:contributor

• Háskóli Íslands

• Félagsráðgjöf
• Stjúpfjölskyldur
• Meðlagsgreiðslur
• Fjármál

Language dc:language.iso

is

Handle dc:identifier.uri

http://hdl.handle.net/1946/16957

OAI identifier oai:identifier

oai:skemman.is:1946/16957