Áhrif íslenska efnahagshrunsins á hagsmunahópa listamanna: Álit hagsmunahópa á niðurskurði og stefnubreytingu stjórnvalda til menningarmála

Í kjölfar efnahagshruns haustið 2008 hafa stjórnvöld þurft að skera niður, hagræða og forgangsraða verkefnum sínum og fjármögnun. Menningar- og listastarfsemi hefur ekki verið undanskilin niðurskurði og hafa hagsmunahópar listamanna haft skiptar skoðanir á þeim aðgerðum sem stjórnvöld hafa farið í. Gerð var eigindleg rannsókn sem byggir annars vegar á viðtölum við fólk sem starfar við menningar- og listastarfsemi og hins vegar á skriflegum heimildum til að kanna áhrif efnahagshrunsins á hagsmunahópa listamanna og álit þeirra á niðurskurði og stefnubreytingu stjórnvalda í menningarmálum. Listgreinar hafa fundið misjafnlega mikið fyrir niðurskurðinum. Þetta ástand hefur kallað á hugsanlegar breytingar í stjórnsýslu sem varða útdeilingu fjármagns til listgreina. Lögbundnir sjóðir virðast vera ákjósanlegir þar sem fagnefndir útdeila fjármagni til ólíkra listgreina. Þessir sjóðir lúta reglu um hæfilega fjarlægð og eru óháðir pólitískum áhrifum. Endurgreiðsla til kvikmyndagerðar er fyrirferðameiri á árunum eftir efnahagshrun og var endurgreiðslan aukin á sama tíma og skorið var niður fjármagn til úthlutunar úr kvikmyndasjóði. Hagræn áhrif menningar og lista verða sífellt meiri. Listastarfsemi tengist mörgum greinum með ýmsum hætti og er það álit viðmælenda að efnahagslegt mikilvægi listgreina megi meðal annars sjá í fjölda ferðamanna sem komi til landsins í tengslum við menningartengda ferðaþjónustu.

Author dc:creator

• Bjarni Bjarnason 1981-

Contributors dc:contributor

• Háskóli Íslands

• Opinber stjórnsýsla
• Listgreinar
• Bankahrunið 2008
• Styrkir
• Fjármögnun
• Opinber fjármál

Language dc:language.iso

is

Handle dc:identifier.uri

http://hdl.handle.net/1946/13662

OAI identifier oai:identifier

oai:skemman.is:1946/13662