Greining á notkun samfélagsmiðla í markaðsskyni : samanburðarrannsókn á íslenskum fata- og þjónustufyrirtækjum

Samfélagsmiðlar eru lykilatriði í nútíma markaðsfræði, þá sérstaklega hvað varðar að efla vörumerkjavitund. Staðan á Íslandi er óljós og síbreytileg sökum hraða tækniframvindu nútímans, sem undirstrikar mikilvægi þess að málefnið sé undir brennidepli meðal bæði akademískra rannsakenda og stjórnenda fyrirtækja. Nánar tiltekið til að varpa ljósi á betrumbætur, auka sölu og hagnað fyrirtækja, til þess að íslensk fyrirtæki séu samkeppnishæf á íslenskum markaði og á alþjóðlegum mælikvarða. Viðfangsefni rannsóknarinnar var að skoða hvernig íslensk fyrirtæki nýta samfélagsmiðla sem markaðstól, og hvernig það sé metið í samanburði við hefðbundnar markaðsaðferðir með tilliti til árangurs. Rannsóknin var yfirgripsmikil samanburðarrannsókn, sem samanstóð af úrtaki með 24 íslenskum fyrirtækjum (N = 24), þar af 12 fatafyrirtækjum (N = 12) og 12 þjónustufyrirtækjum (N = 12). Þátttakendur voru stjórnendur innan fyrirtækjanna, sem svöruðu rafrænum frumsömdum spurningalista á sjálfsmatsformi, sem innihélt níu mismunandi en yfirgripsmikil atriði. Markmið rannsóknarinnar var margþætt, sem beindist að því að skoða mat stjórnenda á mikilvægi samfélagsmiðla, finna algengasta samfélagsmiðilinn meðal fyrirtækjanna, skoða áhrifavaldanotkun á miðlunum og athuga hlutfall sem eytt var í samfélagsmiðla af markaðsfjári fyrirtækjanna. Niðurstöður leiddu í ljós að fyrirtæki í fataiðnaði meta samfélagsmiðla marktækt mikilvægari en þjónustufyrirtæki, verja einnig hærra hlutfalli markaðsfjár í samfélagsmiðla og nýta áhrifavalda í miklu ríkari mæli, sem er í samræmi við fyrri rannsóknir. Þjónustufyrirtæki sýna meiri breytileika í vali á tegundum samfélagsmiðla, en notkun TikTok og Instagram var ekki marktækt ríkjandi hjá hvorugum hópi. Rannsóknin gefur því sterka vísbendingu um að tegund fyrirtækis hafi áhrif á viðhorf og aðferðir í samfélagsmiðlamarkaðssetningu, og því má jafnvel álykta að markaðsstefnur þurfi að vera sérsniðnar að geira og eðli vöru eða þjónustu. Framtíðarrannsóknir ættu vissulega að beina sjónum sínum að stærri og fjölbreyttari úrtökum, til þess að ýta undir skilvirkari og markvissari notkun samfélagsmiðla í ólíkum atvinnugeirum.

Author dc:creator

• Logi Páll Aðalsteinsson 2002-

Contributors dc:contributor

• Háskólinn í Reykjavík

• Viðskiptafræði
• Hagfræði
• Samfélagsmiðlar
• Markaðsfræði
• Áhrifavaldar
• Vörumerki

Language dc:language.iso

is

Handle dc:identifier.uri

https://hdl.handle.net/1946/50702

OAI identifier oai:identifier

oai:skemman.is:1946/50702